9196 nəfər peşə təhsili müəssisələrinə qəbul olunub

2018-2019-cu tədris ili üzrə “ASAN peşə” layihəsi çərçivəsində peşə təhsili müəssisələrinə sənəd qəbulu başa çatıb. Təhsil Nazirliyindən verilən xəbərə görə, 11 017 nəfər qeydiyyatdan keçib.

Dövlət peşə təhsili müəssisələrinə qəbul şəhadətnamə və ya attestat üzrə müvafiq fənlərin orta balı nəzərə alınmaqla müsabiqə yolu ilə ödənişsiz formada həyata keçirilib. 9196 nəfər müsabiqəni müvəffəqiyyətlə keçərək peşə təhsili müəssisələrinə qəbul olunub.

Müsabiqənin nəticələri barədə məlumat Təhsil Nazirliyi və Peşə Təhsili üzrə Dövlət Agentliyinin rəsmi internet səhifələrində yerləşdirilib.

İxtisas seçimindən uğurla keçən şəxslər təhsil haqqında sənədin əslini, tibbi arayış, şəxsiyyət vəsiqəsini (surəti), 3×4 sm. ölçüdə 4 ədəd fotoşəkil, hərbi mükəlləfiyyət barədə sənəd (hərbi mükəlləfiyyətlilər) və güzəştli şərtlərlə qəbul edilən şəxslər üçün müvafiq təsdiqedici sənədi avqustun 31-dək qəbul olunduqları peşə təhsili müəssisəsinə təqdim etməlidirlər.

Təhsil Nazirliyi və “ASAN xidmət”in birgə həyata keçirdiyi “ASAN peşə” layihəsinin əsas məqsədi dövlət ilk peşə-ixtisas təhsili müəssisələrinə qəbulun rahatlığını və obyektivliyini təmin etməkdir.

Peşə təhsili müəssisələrinə qəbul olan şəxslərin siyahı ilə http://edu.gov.az/upload/file/xeber/2018/08/peshe-tehsili-qebul-olanlar-siyahi.pdf bu link vasitəsilə tanış ola biləriniz.

SİA

LEAVE A REPLY

Please enter your comment!
Please enter your name here