ABŞ-ın gündəlik neft hasilatı 10,8 milyon barrelə çatıb

ABŞ-ın sutkalıq neft istehsalı 10,8 milyon barrelə çatıb.

Bu barədə ABŞ-ın Enerji İnformasiya Administrasiyasının (EIA) məlumatında deyilir.

Bildirilir ki, ötən hesabat həftəsində ABŞ-ın xam neft hasilatı əvvəlki həftəyə nisbətdə gündəlik orta hesabla 31 min barrel artaraq 10,8 milyon barrel olub. Bu, ölkə tarixində neft hasilatının ən yüksək göstəricisidir. Ölkədə neft istehsalı sonuncu dəfə 1970-ci ilin noyabrında maksimum – gündəlik orta hesabla 10,04 milyon barrel təşkil edib.

Bundan başqa, ABŞ-ın gündəlik neft hasilatı son 21 həftənin 20-də artım göstərib.

Ötən hesabat həftəsində ABŞ-ın neft idxalı əvvəlki həftəyə görə gündəlik 715 min barrel artaraq 8,35 milyon barrel təşkil edib. Ölkənin xam neft ixracı isə əvvəlki həftə ilə müqayisədə gündəlik 465 min barrel azalaraq 1,71 milyon barrel olub.

Beynəlxalq Enerji Agentliyinin proqnozuna görə, tezliklə ABŞ dünyanın ən böyük xam neft istehsalçı ola bilər.

EIA-nın may ayı üzrə proqnozuna görə isə, ABŞ-ın xam neft istehsalı bu il sutkalıq orta hesabla 10,7 milyon barrel, gələn il isə 11,9 milyon barrel olacaq. Bununla da ABŞ-ın dünyanın ən böyük neft hasilatçısı olan Rusiyanı geridə qoyacağı gözlənilir.

LEAVE A REPLY

Please enter your comment!
Please enter your name here