Aİİ-də “Din və elm” mövzusunda seminar təşkil olunub

Prezident İlham Əliyevin hər il 27 mart tarixinin “Elm günü” kimi təsis edilməsi haqqında Sərəncamının icrası məqsədilə Azərbaycan İlahiyyat İnstitutunda (Aİİ) “Elm günü”nə həsr olunmuş Tədbirlər planı hazırlanaraq təsdiq edilib.

Tədbirlər planına uyğun olaraq, ali təhsil müəssisəsində “Elm günü”nə həsr olunmuş “Din və elm” mövzusunda professor, ictimai-siyasi xadim Şahlar Əsgərovun seminarı təşkil edilib.

Aİİ rektoru Ceyhun Məmmədov tədbiri giriş nitqi ilə açaraq, müasir dövrdə elm və təhsilin cəmiyyətin inkişafında oynadığı roldan bəhs edib. Azərbaycanın ali təhsil müəssisələrində güclü elmi mühitin yaradılmasına xüsusi önəm verildiyini vurğulayan, rektor dövlətimizin bu sahəyə daim diqqət və qayğı ilə yanaşdığını bildirib.

C. Məmmədov, həmçinin elm və təhsilin inkişafında ulu öndər Heydər Əliyevin və Azərbaycan Respublikasının Prezidenti cənab İlham Əliyevin, Birinci vitse-prezident Mehriban xanım Əliyevanın müstəsna xidmətləri olduğunu vurğulayıb.  İnstitutda tələbələrin nitq və polemika qabiliyyətinin, özünüifadə bacarığının, tənqidi təfəkkürün formalaşmasına xüsusi önəm verildiyini qeyd edən rektor, dərin dini və dünyəvi biliklərə, güclü şəxsiyyətə, zəngin dünyagörüşünə malik mütəxəssislərin yetişdirilməsi məqsədi ilə İnstitutda ardıcıl seminarlar, görüşlər təşkil olunduğunu vurğulayıb. C. Məmmədov daha sonra bildirib ki, ali təhsil müəssisəsi elmi və mədəni inkişafı təmin etmək məqsədilə müxtəlif konfrans, “dəyirmi masa” və görüşlərin təşkilinə xüsusi önəm verir.  Professor, ictimai-siyasi xadim Şahlar Əsgərov “Din və elm” mövzusunda məruzə ilə çıxış edərək, din və elm məfhumlarının qısa tarixinə toxunub. O bildirib ki, dinlə-elmi bir həqiqətin iki fərqli üzü kimi də xarakterizə etmək mümkündür.  Elmin və tərəqqinin insan həyatındakı xüsusi əhəmiyyətini vurğulayan Ş. Əsgərov bu amilin gənclərin formalaşmasındakı rolundan ətraflı bəhs edib. Görüşdə digər elmlərin İslam dini ilə sıx və qarşılıqlı münasibətdə olduğu bildirilib. Qeyd olunub ki, din insan tərəfindən əldə edilən elmi nailiyyətləri dəstəkləyir, hətta insanları təkidlə elm öyrənməyə dəvət edir. Sonra Şahlar Əsgərov tələbələrin suallarını cavablandırıb, görüş iştirakçıları ilə fikir mübadiləsi aparıb.

LEAVE A REPLY

Please enter your comment!
Please enter your name here