AMEA-nın Yüksək Texnologiyalar Parkı İsrailin “General Robotics” şirkəti ilə əməkdaşlıq edəcək

AMEA-nın Yüksək Texnologiyalar Parkı (YT Park) və İsrailin “General Robotics” şirkəti arasında əməkdaşlıq çərçivəsində hərbi təyinatlı məhsulların təqdimatı olub.

Tədbirdə AR Müdafiə Nazirliyinin, Daxili İşlər Nazirliyinin və Dövlət Sərhəd Xidmətinin əməkdaşları, həmçinin “General Robotics” şirkətinin prezidenti Ehud Qal, baş icraçı direktoru Şahar Qal, biznesin inkişafı üzrə direktoru Zion Qazit, prezidentin müşaviri Morris Oren, YT Parkın direktoru, iqtisad üzrə fəlsəfə doktoru Nazim Şükürov, direktor müavinləri – aqrar elmlər üzrə fəlsəfə doktoru Elxan Bayramov, Məmməd Bağırzadə, Xüsusi şöbənin müdiri Adil Məmmədov və digər şəxslər iştirak ediblər.

Ölkənin müdafiə və hərbi qüdrətinin artırılması istiqamətində keçirilən təqdimatda YT Parkın rezidenti “DN Technologies” və “General Robotics” şirkətləri tərəfindən istehsal olunan yeni nəsil robotlar və süni intellektli məhsullar barədə məlumat verilib, suallar cavablandırılıb.

Sonda YT Parkla “General Robotics” şirkəti arasında əməkdaşlığa dair memorandum imzalanıb.

LEAVE A REPLY

Please enter your comment!
Please enter your name here