Bakı Ali Neft Məktəbində “Donor günü” keçirildi

Bakı Ali Neft Məktəbində (BANM) “Donor günü” adı altında növbəti xeyriyyə aksiyası – qanvermə aksiyası keçirilib.

BANM-dan verilən məlumata görə, aksiya Səhiyyə Nazirliyinin Bahadur Eyvazov adına Elmi-Tədqiqat Hematologiya və Transfuziologiya İnstitutu ilə SOCAR-ın birgə təşəbbüsü əsasında baş tutub. “Donor günü”ndə BANM-ın kollektivi könüllü olaraq bu humanist aksiyaya qoşulublar.

Aksiya Səhiyyə Nazirliyinin B.Eyvazov adına Elmi-Tədqiqat Hematologiya və Transfuziologiya İnstitutunun Mərkəzi Qan Bankının səyyar həkim briqadasının köməyi ilə bütün sanitar qaydaların tam təminatı şəraitində baş tutub.

Qeyd edək ki, BANM-da keçirilən aksiyanın əsas məqsədi talassemiyadan əziyyət çəkən və davamlı olaraq qan köçürülməsinə ehtiyacı olan uşaqlara dəstək olmaqdır. Şirkətin humanitar və sosial layihələri çərçivəsində həyata keçirilən qan verilməsi xeyriyyə aksiyası hər il SOCAR-ın bütün müəssisələrində olduğu kimi BANM-da də davamlı keçirilir. Ali Məktəbin müəllim-professor heyəti və digər əməkdaşları bu tip aksiyalarda hər zaman fəal iştirak edirlər.

LEAVE A REPLY

Please enter your comment!
Please enter your name here