BDU üç beynəlxalq reytinq siyahısında yer alıb

Böyük Britaniyanın “Quacquarelli Symonds” (QS) şirkəti ali məktəblərin beynəlxalq reytinq siyahısını açıqlayıb.

Bakı Dövlət Universitetindən (BDU) verilən məlumata görə, dünyanın 20 min top universitetini araşıdıran şirkət siyahıya yalnız 1000 top universiteti daxil edib. 2018-ci il sentyabr ayının nəticələrinə əsasən Azərbaycandan yalnız BDU reytinqdə 801+ yerdə qərarlaşıb. Reytinqin tərtib olunmasında akademik aləmdən olan ekspertlərin rəyi, professor-müəllim heyətinin tələbələrin sayına nisbəti, işəgötürənlər arasında reputasiyası, sitat gətirilmə indeksi, həmçinin xarici müəllim və tələbələrin sayı nəzərə alınır.

Bununla yanaşı, BDU daha bir beynəlxalq reytinq cədvəlində yer tutub. Belə ki, “Round University Ranking” Beynəlxalq reytinqinin (RUR-2018) 2018-ci il üzrə nəticələrinə əsasən, BDU bu qurumun siyahısında 686-cı yerdə qərarlaşıb. Azərbaycan Dövlət Memarlıq və İnşaat Universiteti 762-ci yerlə Azərbaycandan reytinqə düşən növbəti universitetdir. Bu reytinqdə universitetlər dörd istiqamətdə qruplaşdırılmış 20 indikator üzrə qiymətləndirilir: tədrisin keyfiyyəti (40% ), tədqiqatların keyfiyyəti (40%) beynəlmiləlləşdirmə (10%), maliyyə sabitliyi 10%).

BDU eyni zamanda, dünyanın 30 minədək ali təhsil müəssisəsini əhatə edən “Webometrics”in 2018-ci il reytinq cədvəlinə də düşüb. BDU (3656) Top-5000 universiteti siyahısında yer alıb. BDU-dan sonra Azərbaycan Dövlət İqtisad Universiteti və ADA Universiteti müvafiq olaraq 5817 və 6495 cil yerlərdə qərarlaşıblar.

LEAVE A REPLY

Please enter your comment!
Please enter your name here