BMT İP-də tərcübə proqramı

BMT İP-in Bakı Ofisində Təcrübə Proqramı

Sizin BMT İP-in Azərbaycandakı Nümayəndəliyindəki Təcrübə Proqramına marağınız böyük ehtiramla qarşılanır. Ümid edirik ki, aşağıda verilmiş məlumatlar sizin bu marağınızı daha da artıracaq və Proqrama müraciət etməkdə sizi həvəsləndirəcəkdir.

Təcrübə Proqramının Məqsədi

Təcrübə həm BMT İP Ofisi, həm də təcrübəçi, üçünfaydalı olmalıdır. Təcrübə Proqramının əsas məqsədi tərcübəçini ümumi BMT sistemi və ölkədə BMT-nin çoxşaxəli fəaliyyəti ilə tanış etməkdir. Bu Təcrübə Proqramında iştirak etməklə təcrübəçinin beynəlxalq inkişaf məsələlərinə dair nəzəri bilik və bacarıqlarına praktiki biliklər də əlavə olunacaqdır. BMT İP Ofisi isə öz növbəsində, təcrübəçinin akademik biliyi, peşəkar təcrübəsi və şəxsi bacarıqlarından faydalanacaqdır. Təcrübəçilər adətən Ofisə yeni və qabaqcıl ideya və təkliflər gətirirlər. Onlar həmçinin “təcrübəçilərin gözü ilə” üsulu vasitəsi ilə Ofisin öz iş fəaliyyətinə və istifadə etdiyi metodlara yenidən baxılmasında öz töfhələrini verirlər.

Namizədə dair Tələblər

Seçiləcək namizəd ictimai əlaqələr, iqtisadiyyat, siyasi və ya sosial elmlər, xüsusilə inkişaf, beynəlxalq hüquq, ətraf mühitin mühafizəsi, beynəlxalq münasibətlər və ya jurnalistika sahəsi üzrə universitet dərəcəsinə malik olmalı və ya ali məktəb tələbəsi olmalıdır. universitetdə . Göndəriləcək tərcümeyi-halda (CV) insan inkişafı və insan haqlarına dair maraq öz əksini tapmalıdır. Namizədin öz ölkəsində və ya xarici ölkədə beynəlxalq əməkdaşlıq, inkişafa yardım və ya humanitar yardım üzrə müəyyən iş təcrübəsinə malik olması arzuolunandır. Namizəd çox yaxşı ingilis dili bacarıqlarına malik olmalı və ideal olaraq azərbaycan və ya rus dillərindən birində danışa bilməlidir.

Yerli təcrübəçilər (Azərbaycan Respublikasının vətəndaşları) ingilis və azərbaycan dillərini mükəmməl bilməlidirlər.

Namizədlərə heç bir halda cinsi və ya ölkə mənsubiyyətinə görə üstünlük verilməyəcəkdir. BMT İP namizədlərə bərabər imkanlar yaratmaq üçün çalışır.

Təcrübə müddəti

Təcrübə Proqramı ildə üç rüb: payız (sentyabr – dekabr), qış (yanvar – aprel) və yay (may-avqust) olmaqla təşkil edilir. Müraciət formasında namizəd hansı rübdə təcrübə keçmək istədiyini bildirməlidir. Buna əsasən Nümayəndəlik Proqramın ehtiyaclarının namizədin istədiyi vaxta uyğun olub-olmadığını müəyyənləşdirir.

Tərcübəçinin öhdəlikləri

Təcrübəçi Ofisdə İctimai Əlaqələr, İqtisadi İdarəçilik, Demokratik İdarəçilik, Enerji və Ətraf Mühit sahələrindən biri üzrə müxtəlif mövzularda tədqiqatlar aparacaq və gündəlik verilən tapşırıqları yerinə yetirəcəkdir. Tapşırıqlarla bağlı daha ətraflı aşağıdakı linklərdən məlumat əldə edə bilərsiniz. Təcrübəçi iş təsvirində göstərilən istənilən öhdəliyin və ya onun təcrübə rəhbəritərəfindən verilən işin yerinə yetirilməsi haqqında tapşırıq ala bilər. Tərcübəçi hər bir halda ofis fəaliyyətinə cəlb olunacaqdır. Təcrübəçilər həmçinin konfrans, sərgi və ya seminar kimi xüsusi və ya təsadüfi olan istənilən tədbirlərə töfhə verə bilər. Seçilmiş namizədə təfsilatlı iş təsviritəqdim olunacaqdır.

Məsuliyyətlər

Vəzifələrin yerinə yetirilməsində tərcübəçiyə ofis heyəti kimi məsuliyyət verilməyəcəkdir. Heç bir halda heyətin məsuliyyəti təcrübəçiyə ötürülməyəcəkdir. Proqramın işinə, layihələrə və digər fəaliyyətə görə məsuliyyəti təcrübəçiyə nəzarət edəcək heyət üzvü daşıyır.

BMT İP-də karyera imkanları

Təcrübə Proqramının məqsədi sonradan təcrübəçini BMT İP sistemində işlə təmin etmək yox, onun təhsilinə yardım etməkdir. Lakin, təhsillərini başa vurduqdan sonra lazımi kriteriyalara uyğun gələn bir çox təcrübəçilər BMT İP və ya digər BMT qurumları tərəfindən işə qəbul olunmuşlar.

BMT İP-də tərcübə proqramı ödənişsiz əsasladır.

BMT İP-in Azərbaycan Ofisində təcrübə imkanları haqqında əlavə məlumat üçün, Təcrübə Proqramı üzrə Əlaqələndirici Ayşən Əhmədova ilə əlaqə saxlaya bilərsiniz:[email protected].

Öz tərcümeyi – hal (CV) və Müraciət Formanızı [email protected] ünvanına göndərin

 

Müraciət Forması

Təcrübə Proqramı haqqında Kitabça

LEAVE A REPLY

Please enter your comment!
Please enter your name here