Cümə, Fevral 24, 2017
ƏSAS SƏHİFƏ

XX əsrin əvvəlləri…

Bakıda su qıtlığı var. Şəhərə suyu iri çənlərdə gətirirlər. Su kəməri çəkmək məsələsi gündəmdədir. Həsən bəy Dumanın iclaslarında şəhərə təmiz dağ suyu çəkmək məsələsini qaldırır. Şəhər Dumasındakı bir başqa deputat — Ambarsum Məlikov şəhərə suyun onun Zuğulbada olan malikanəsindəki çeşmədən çəkilməsini istəyir. Bu, ona böyük gəlir gətirəcək.

Həsən bəyin qızı Qəribsoltan xanım xatirələrində yazırki, bir dəfə atasının öz dostları ilə söhbətinin şahidi olur. Həsən bəy həyəcanla deyirmiş: “Bu dələduz şəhərə özü ilə bərabər qızdırma gətirən su çəkdirmək istəyir. Buna yol vermək olmaz!..”.

Dumada Zərdabinin dirənişindən xoflanan Ambarsum Məlikov ona o vaxta görə çox böyük məbləğ sayılan bir neçə min rubl rüşvət göndərir.

Qəribsoltan xanım yazır ki, mən evimizdə hələ buna oxşar fırtına görməmişdim: “Həmişə özünü təmkinli və nəzakətli aparan atam bu dəfə təsvirəgəlməz hiddətlə püskürən vulkana dönmüşdü”. Həsən bəy dəli kimi bağırır: “O məni satın almaq istəyir!”. Hənifə xanım var gücü ilə Həsən bəyi sakitləşdirməyə çalışır, amma nail olmur.

Əsl mərəkə Dumanın iclasında baş verir. Həsən bəy Ambarsum Məlikovu hamının yanında “yaramaz” adlandırır. Ambarsum bərk hirslənib onu duelə çağırır…

Həsən bəy:
— Nə? Sizinlə duel?!.. Siz, sadəcə, axmaqsınız!

Özündən çıxmış Həsən bəy bu sözləri deyərək Dumanın iclas zalını tərk edir. Evdə Hənifə xanım onu yatağa uzadır. Özündə olmayan Həsən bəy bu sözləri aramsız təkrarlayır:
— Mən bacarmadım!.. Başa düşürsən?! Adamı dəhşətə gətirən odur ki, bütöv bir xalqın sağlamlığı məsələsi həll olunarkən, o dələduz utanmadan alicənablıq məzhəkəsi oynadı və ləyaqətsizliklə üstün gəldi.

1904-cü ildə Zuğulbadan Bakıya çəkilən suya gəlincə, Həsən bəyin dediyi kimi, bu su şəhəri xilas edə bilmir. Axı yararsız idi, texniki məqsədlər üçün istifadə olunurdu. Hacı Zeynalabdin Tağıyev, eləcə də Həsən Bəy Zərdabi əhalinin su təchizatını yaxşılaşdırmaq üçün çox böyük səylər göstərməyə başlayırlar və uzun illərdən sonra — 1917-ci ildə şəhərə “Şollar” Su Kəməri çəkilir.

Bu kəmər istifadəyə veriləndə “Böyük Əkinçi” arıtq 10 il idi ki həyata göz yummuşdu.

Ağıllı Duyğusal davranış terapiyası (ADDT), Albert Ellis (1913-2007) tərəfindən inkişaf etdirilmişdir. Psixoanaliz təhsili alan Ellis, psixoanalizi passiv quruluşu və yavaş irəliləməsindən görə ağıllı romantik(duyğusal) davranış müalicəsindən inkişaf etdirmişdir.

Başlanğıcda ağıllı müalicə olaraq adlandırılan bu psixoterapiya üsuluna 1961 ‘də romantik istiqaməti vurğulanaraq ağıllı romantik(duyğusal) müalicə deyilmiş, 1991-ci ildə davranışçı tərəfi də əlavə olunaraq günümüzdəki ağıllı duyğusal davranış terapiyası (ADDT) adını almışdır. Bəzi Otor idrak-romantik-davranış terapiyası deməyin daha doğru olduğunu qeyd edirlər. Çünki ağıllı sözünün qəti bir ölçüsü yoxdur.

Psikoterapiyadakı təməl yanaşmalardan biri olaraq qəbul edilən ağıllı romantik davranış müalicəsindən Sigmund Freydin düşüncələrindən çox şey tapmaq mümkündür. Epiktetosun, «bizi problemli edən şey yaşadığımız hadisələr deyil, bizim o hadisələr haqqındakı mövqeyimizdir» sözü ADDT’ nin xülasəsi kimidir.

Məntiqli romantik davranış müalicəsində təməl prinsip, insanların düşüncələrinin, davranışlarının və duyğularının özünün idarəsində olmasıdır. «Biri mənə özümü bu şəkildə hiss etdirdi» şəklindəki bir düşüncə, psixoloji problemlərdə sıxlıqla qarşılaşdığımız bir ifadədir və Ellis buna şiddətlə qarşı çıxır. Heç kim sizin bir şey hiss etmənizi təmin edə bilməz, hər şey sizdə bitər.

Ukraynanın Xarkov şəhərində Azərbaycan jurnalisti Elşad Eyvazlının “Böyüməyən uşaqlar” kitabının təqdimatı çərçivəsində “Xocalı yaddaşlardan silinməyəcək” adlı tədbir keçirilib.

Ukraynanın Xarkov şəhərində fəaliyyət göstərən “Dostluq” cəmiyyətinin sədri, texnika elmləri doktoru, professor Murad Ömərov çıxışı zamanı “Böyüməyən uşaqlar” kitabının özəlliyini diqqətə çatdırıb: “Kitabda Xocalı soyqırımı zamanı dəhşətli günlər yaşayan uşaqların xatirələri var. Onlar həmin vaxt uşaq olublar, indi böyüyüblər. Lakin 1992-ci ilin hadisələri həmin uşaqların beynində o qədər güclü və unudlmaz xatirələr buraxıb ki… Bu kitabda uşaqların ürək döyüntülərinin səsini eşitmək olur”.

Tədbirdə Azərbaycanın Xarkovdakı fəxri konsulu Əfqan Salmanov, Azərbaycanın Ukraynadakı səfirliyinin müaşviri Elman Bağırov, Xarkov Universitetinin professorları, “Dostluq” cəmiyyətinin İdarə Heyətinin üzvləri, tələbələr iştirak ediblər.

Sonda tədbir iştirakçılarına “Böyüməyən uşaqlar” kitabı təqdim olunub.

Qeyd edək ki, “Böyüməyən uşaqlar” kitabı “Xocalıya ədalət” kampaniyası çərçivəsində QHT Şurasının dəstəyi ilə bir neçə dildə çap olunub.

Kitabın yaxın zamanlarda rus, fransız və erməni dillərində də çap olunması gözlənilir.

Kitab Xocalı soyqırımı faciəsi zamanı hər iki valideynini itirən 25 uşağın acı həyat hekayəsindən bəhs edir.

Trend.az

Prezident İlham Əliyev Azərbaycanda Qarabağ atı cinsinin inkişafına əlavə dəstək haqqında sərəncam imzalayıb.

Sərəncamda qeyd olunur ki, Qarabağ atı cinsinin damazlıq özəyinin qorunması və inkişaf etdirilməsi istiqamətində həyata keçirilən tədbirlərin başa çatdırılması məqsədilə Qarabağ atı cinsinin damazlıq özəyinin qorunması və inkişaf etdirilməsi, bu sahədə seleksiya damazlıq işlərinin elmi əsaslarla aparılmasına şərait yaradılması istiqamətində həyata keçirilən tədbirlərin başa çatdırılması və Kənd Təsərrüfatı Nazirliyinin Heyvandarlıq Elmi-Tədqiqat İnstitutunun tabeliyindəki “Ağdam Atçılıq Təsərrüfatı” Məhdud Məsuliyyətli Cəmiyyətinin Atçılıq kompleksinin tikintisi üçün Azərbaycan Respublikasının 2017-ci il dövlət büdcəsində nəzərdə tutulan Azərbaycan Prezidentinin ehtiyat fondundan Kənd Təsərrüfatı Nazirliyinə 2 milyon manat ayrılsın.

Maliyyə Nazirliyinə bu sərəncamda göstərilən məbləğdə maliyyələşməni təmin etmək tapşırılıb.

Trend.az

Rusiyanın Stupino şəhərində ilk dəfə olaraq 3D printerdə ev çap olunub.

Bu barədə inşaat printeri istehsal edən “Apis Cor” şirkətinin saytında məlumat dərc edilib.

Moskva ətrafında yerləşən Stupino şəhəri 3D çap texnologiyası ilə yaradılan evlər üçün başlanğıc meydançası olub. “Apis Cor” şirkəti ilk dəfə olaraq orada yaşayış evi yaradıb. Bu ev öncədən çap edilmiş panellərdən yığılmayıb, tam olaraq çap edilib.

Ümumi sahəsi 38 kv. metr olar birmərtəbəli evi tərtibatşılar bir günə inşa ediblər. Mürəkkəb əvəzinə onlar beton qatqısından istifadə ediblər. Divarların, divar arakəsmələrinin və digər konstruksiyaların çapı bitdikdən sonra 3D printer kran manipulyatorun köməyi ilə evdən çıxarılıb.

Evin çapı üçün istifadə olunan mobil 3D printerin çəkisi 2,5 tondur. Onun konstruksiyası bir az qaldırıcı kranı xatırladır. Belə bir cihazın sayəsində inşa edilən binada ondan istər daxili, istərsə də çöl işlərinin tikintisində istifadə etmək mümkündür.

İKT.lent.az

ABŞ-ın Arizona ştatının Tempe şəhərinin sakinləri “Uber” xidmətinin pilotsuz taksisinin işini sınaqdan keçirməyə başlayıblar.

Bununla bağlı müvafiq məlumatı Qərbin ixtisaslaşmış kütləvi informasiya vasitələrində dərc edilib.

Açıqlanan məlumatlara əsasən, pilotsuz texnologiya hazırda sınaq mərhələsindədir, yol boyu müştəriləri onların təhlükəsizliyinə cavabdeh olan “Uber”in iki mühəndisi müşayiət edir. Təhlükəli vəziyyət yarandığı halda? şirkət əməkdaşları avtomobilin idarəetməsini öz üzərl’rinə götürəcəklər.

Ən yaxın zamanlarda “Uber” pilotsuz taksiləri Arizonanın digər şəhərlərində də mövcud olacaq. Söz düşmüşkən, bu cür miqyaslı sınaqlar ştatın qubernatoru Daq Dyuqsinin razılığı əsasında həyata keçirilib.

IKT.Lent.az

Avropa Azərbaycan Cəmiyyəti (TEAS) və “Park Cinema” kinoteatrlar şəbəkəsinin birgə əməkdaşlığı şəraitində “Xocalıya ədalət !” beynəlxalq təbliğat kampaniyası çərçivəsində fevralın 25-dən 27-dək “Qarabağ” kino günləri keçiriləcək.

TEAS-dan verilən məlumata görə, Xocalı faciəsi ərəfəsində həmin illərə geri dönüb, Vətənimizin ağır günlərindən bəhs edən filmləri tamaşaçılar 3 gün ərzində ödənişsiz izləyə biləcəklər.

“Qarabağ” kino günlərinin keçirilməsində əsas məqsəd gənc nəslin tariximizin ən ağır səhifəsi – Xocalı soyqırımı və Qarabağ ətrafında baş verən hadisələrin unudulmaması, obyektiv məlumatların verilməsi və maarifləndirilməsi işinə töhfə verməkdir.

Cədvələ daxil olan filmlərin ilki – “Gənc Səslər, Qədim Nəğmə” adlanır. Tanınmış amerikalı muğam ifaçısı Cefri Verbok 2000-ci ildə Azərbaycanın məcburi köçkün düşərgələrinin birində kamera ilə çəkdiyi ağır həyat şəraitinə baxmayaraq, qədim muğam ənənələrini yaşadan az yaşlı uşaqların ifasına valeh olur. ABŞ-dan qayıtdıqdan sonra çəkdiyi kadrları izləyərkən, onlardan birinin vətən haqqında oxuduğu mahnı onu möhkəm təsirləndirir. Cefri vaxtilə gördüyü bu uşaqların hələ də muğam oxuyub-oxumadıqlarını bilmək və yeni gənc muğam ifaçıları ilə tanışlıq məqsədilə 8 il sonra yenidən Azərbaycana gəlir.

Onun məcburi köçkün düşərgələrinə maraqlı və sərgüzəştlər ilə müşayiət olunan səyahəti başlayır. Nəhayət, gərgin axtarışlar öz nəticəsini verir. Cefri vaxtilə onu heyran edən gənc muğam ifaçısını tapır, onun gözlənilməz həyat hekayəti ilə tanış olur. Filmdə gənc muğam ifaçılarının bir-birini əvəz edən ifaları ona yeni ruh gətirir. Aydın olur ki, Azərbaycan xalqı qədim muğam ənənəsini yaşadır, ona Vətən torpaqlarının erməni işğalından azad edilməsi uğrunda mübarizənin mənəvi dəyərlərindən biri kimi baxır. Qloballaşmaya rəğmən, gənc nəsil böyük mədəni irsi yaşadır. Rejissorluğunu Keti-Robin Qarton və Cefri Verbokun həyata keçirdiyi və Tale Heydərovun İcraçı prodüseri olduğu film fevarlın 25-də “Park Cinema” kinoteatrlar şəbəkəsində nümayiş olunacaq.

26 fevral tarixində isə “Hocalı Tanıkları” adlı filmin nümayişi baş tutacaq. Filmdə Xocalı faciəsinin şahidi olmuş 7 şəxs həmin dəhşətli günlə bağlı öz xatirələrini bölüşürlər. Film Avropa Azərbaycan Cəmiyyəti və Türkiyənin ”106 film” şirkətinin birgə istehsalıdır.

Fevralın 27-də isə “Sonsuz Dəhliz” filmi nümayiş olunacaq. ABŞ və Litva kinematoqrafçılarının istehsalı olan müstəqil film Ermənistan silahlı qüvvələrinin törətdikləri Xocalı soyqırımının şahidləri olan jurnalistlər Riçard Lapaitis (Litva) və Viktoriya İvlevanın (Rusiya) faciədən 20 il sonra Azərbaycana gələrək, qətliamdan xilas olan şəxslərlə görüşlərində lentə alınmış xatirələrindən bəhs edir, yeni sənədlər, faktlar və xronikalar ilə hadisələrin obyektiv mənzərəsi canlandırılır. “Sonsuz dəhliz” sənədli filmi prodüserlər Aleksandr Brokas (Litva) və nüfuzlu “Grammy Award” mükafatçısı Cerald Rafşun (ABŞ) tərəfindən çəkilib. Film britaniyalı aktyor, BAFTA mükafatçısı Ceremi Ayronz tərəfindən səsləndirilib. Film Global Film Awards (USA, 2015), Milano International Filmmakers Festival (Italy, 2015)): Best Documentary Editing award, Tenerife International Film Festival (Madrid- Spain, 2015), Cape Town Film Festival (South Africa, 2015), Toronto International Film Festival (Canada, 2015) kimi nüfuzlu festivallarda mükafat alıb, Əl-Cəzirə və CNN Turk kimi bir sıra beynəlxalq telekanallarda nümayiş etdirilib.

Filmlərin dəqiq cədvəli ilə sabahdan etibarən www.parkcinema.az saytında tanış ola bilərsiniz.

APA

Azərbaycan Prezidenti Administrasiyası rəhbərinin sərəncamı ilə Bakı şəhərində IV Ümumdünya Mədəniyyətlərarası Dialoq Forumunun keçirilməsi ilə bağlı Tədbirlər Planı təsdiq edilib.

Sərəncama əsasən Tədbirlər Planının icrasına nəzarət Azərbaycan Prezidenti Administrasiyasının Humanitar siyasət məsələləri şöbəsinə və Mədəniyyət və Turizm Nazirliyinə həvalə olunub.

Qeyd edək ki, IV Ümumdünya Mədəniyyətlərarası Dialoq Forumu mayın 5-6-da keçiriləcək.

Trend

24-26 fevralda “İçərişəhər” Dövlət Tarix-Memarlıq Qoruğu İdarəsi tərəfindən Xocalı faciəsinin 25 illiyinə həsr edilmiş “Xocalı-gözlərdə donan tarix” adlı foto sərgisi keçiriləcək.

Bu barədə idarədən məlumat verilib.

İçərişəhərdə – Qoşa qala qapılarının yaxınlığındakı meydanda, açıq səma altında təşkil olunacaq “Xocalı-gözlərdə donmuş tarix” adlı foto sərgidə faciəni yaşamış insanların portretləri nümayiş olunacaq.

Trend

2017-2018-ci tədris ilindən etibarən Azərbaycan Dillər Universitetində (ADU) dil tədris edən kafedralarda boş elan olunan müəllim vəzifəsini tutmaq üçün müsabiqədə iştirak edəcək müəllimlərdən onların dil səviyyəsini müəyyən edən TOEFL, İELTS, DELS, DALF, B2, C1 kimi beynəlxalq dil sertifikatları tələb olunacaq.

ADU-nun İnformasiya Departamentindən verilən məlumata görə, bu, müqavilə müddəti bitmiş, attestasiyadan keçəcək müəllimlərə də aiddir. Bununla əlaqədar universitetin bütün kafedralarına bildirişlər göndərilib.

Qeyd etmək lazımdır ki, ADU rəhbərliyinin bu qərarı universitetin professor-müəllim heyətinin peşəkarlıq səviyyəsinin yüksəldilməsi və tədris prosesinin keyfiyyətinin daha da yaxşılaşmasına xidmət edir.

Trend

Martın 5-də keçiriləcək 9-cu sinif üzrə buraxılış imtahanının I mərhələsində iştirak edən şagirdlər “İmtahana buraxılış vərəqəsi”ni çap edə bilərlər.

Dövlət İmtahan Mərkəzindən Lent.az-a verilən məlumata görə, martın 5-də Bakı və Sumqayıt şəhərləri, Abşeron, Xızı, Qobustan rayonlarının ümumtəhsil müəssisələrinin məzunları üçün ümumi orta təhsil səviyyəsi üzrə (9-cu sinif) buraxılış imtahanının birinci mərhələsi keçiriləcək.

http://eservices.dim.gov.az/sagirdbv/ linkindən istifadə etməklə şagirdlər özlərinin imtahana buraxılış vərəqəsini, təhsil müəssisələri isə həmin təhsil müəssisəsində təhsil alan bütün şagirdlərin imtahana buraxılış vərəqələrini çap edə bilərlər. Çap üçün kompüterə Adobe Reader proqramı quraşdırılmalıdır və brauzerin “Pop-up blocked” sahəsindən qeyd işarəsi götürülməlidir.

Bildirək ki, şəxsiyyəti təsdiq edən sənədində şəkil olmayan şagirdlərə buraxılış imtahanı üçün təhsil müəssisəsi tərəfindən verilməli olan arayışı buradan yükləmək olar.

Lent.az

Marsın cənub qütbündə ildə bir dəfə qar yağır. NASA alimləri bu qənaətə gəliblər.

Mütəxəssislər Marsa düşən qarın Yerdəki qarla eyni olmadığını bildiriblər. Alimlərin fikrincə, qış dövründə Marsda havanın temperaturu 128 dərəcəyə düşür. Nəticədə donmuş karbon qazı kristallar şəklində planetin səthinə çökür və beləliklə, qar örtüyü əmələ gəlir.

rueconomics.ru

Bugün Almatı şehrinde Kazakistan Cumhuriyeti Devlet Başkanı, Kazakistan Ulusal Bilimler Akademisi Üyesi Nursultan Nazarbayev’in katılımı ile Kazakistan Ulusal Bilimler Akademisi’nin 70. Yıldönümü münasebetiyle Genel Oturum töreni gerçekleşti.

Törene kutlama mesajı ile başlayan Kazakistan Cumhuriyeti Devlet Başkanı Nursultan Nazarbayev bilimde siyasi sınırların olmadığını ve Kazakistanlı bilim adamlarının yurt dışındaki meslektaşları ile işbirliği yapması ile bilimin hızlıca gelişeceğini açıkladı.
Nursultan Nazarbayev “Bağımsızlık yıllarında bilimsel kurumlar sayısı 2 kat artarak, şu anda 300’ü aştı. Yıl geçtikçe bilime tahsis edilen mali destekler oranı artmaktadır. Önümüzdeki dönemde de bu adımlarımıza devam edecek, bilimin kapsamlı gelişmesi için gerekli şartları sağlayacağız”, diye konuştu. Bunun yanısıra, Devlet Başkanı Hükümete Kazakistanlı genç akademisyenlerin dünyanın ilmi merkezlerinde eğitim almaları için ayrı bursların sağlanması talimatını verdi.

Kazakistan Ulusal Bilim Akademisi Başkanı Murat Jurınov’un moderatörlüğünde gerçekleşen toplantıya Rusya Bilimler Akademisi Başkanı V.E.Fortov, Kırgızistan Ulusal Bilimler Akademisi Başkanı A.E.Erkebayev, Gürcistan Ulusal Bilimler Akademisi Başkanı G.İ.Kvesitadze, Tataristan Bilimler Akademisi Başkanı M.H.Salahov, Moldova Bilimler Akademisi Başkanı G.G.Duka, Uluslararası Türk Akademisi (TWESCO) Başkanı D.K.Kıdırali, Azerbaycan Ulusal Bilimler Akademisi Yönetim Başkanı A.Sadıgov, Belarus Ulusal Bilimler Akademisi Yönetim Başkan Yardımcısı S.Y.Kilin, Ukrayna Ulusal Bilimler Akademisi Başkan Yardımcıs V.G.Koşeçko, Özbekistan Bilimler Akademisi Genel ve Organik olmayan Kimya Enstitüsü Müdürü B.S.Zakirov, Tacikistan Bilimler Akademisi Üyesi M.İ.İlolov katıldı. Bununla birlikte oturuma önde gelen akademisyenler, bilinen devlet adamları ve fikir önderleri, Kazakistanlı ve yurt dışından gelen bilim adamları, üniversite rektörleri, ilmi araştırma enstitüleri başkanları ve aydınlar katıldı.

1946 yılında kurulan Kazakistan Ulusal Bilimler Akademisi Uluslararası Türk Akademisi’nin inisiyatifi ile 2015 yılında Astana’da kurulan Türk Dünyası Ulusal Bilimler Akademileri Birliği’nin Üyesi ve anılan Birliğin ilk başkanlığını üstlenen kurumdur.

Özbəkistandakı səfirliyimizin nəzdindəki Heydər Əliyev adına Azərbaycan Mədəniyyət Mərkəzinin layihəsi ilə özbək tarixçisi Şuxrat Salamovun (Barlas) “Türküstan və Cənubi Qafqaz XIX-XX əsrlərdə. Daşnaklar: Fərqanədən Qarabağa qədər” və “Qarabağ: ideyalar müharibəsi” kitabları əsasında “Daşnaklar Fərqanədən Qarabağadək” adlı sənədli film çəkilib.

Daşkənddəki “Ramsel-film” studiyası tərəfindən lentə alınan filmin ssenari müəllifi Şuxrat Salamov, rejissoru Eldar Məmmədov, redaktoru Samir Abbasovdur. Filmin hazırlanmasına Azərbaycanın Özbəkistandakı səfirliyi təşkilati dəstək göstərib.

Filmdə ötən əsrin 1918-1920-ci illərində Türküstanda yaradılan muxtariyyət və bu qurumun ləğv edilməsi məqsədilə daşnaklar tərəfindən törədilən qanlı qırğınlardan danışılır. İlk dəfə olaraq, arxivlərdə saxlanılan nadir video və foto materiallardan istifadə edilib

30 dəqiqəlik sənədli filmdə Özbəkistanın tanınmış tarixçilərinin Türküstan hadisələri ilə bağlı çıxışları verilir.

Türküstanda törədilən soyqırımla yanaşı, filmdə 1918-ci ilin mart ayında Bakıda, Qubada və Azərbaycanın digər regionlarında daşnakların həyata keçirdiyi qətliamlar, talanlar, habelə ötən əsrin sonlarında azərbaycanlıların Ermənistandan deportasiyası, Qarabağda başlanan işğalçılıq və etnik təmizləmə siyasəti arasında paralellər aparılır.

Sənədli filmdə XX əsrin sonlarında ermənilər tərəfindən Azərbaycanın Xocalı şəhərində törədilən soyqırımı haqqında da danışılır, faciənin qanlı, qeyri-insani terror hadisəsi olduğu kadrların dili ilə tamaşaçıya çatdırılır.

Dünyanın bir sıra dövlətlərinin Xocalı faciəsini soyqırımı aktı kimi tanımaları filmdə xüsusi vurğulanır.

Özbəkistanın birinci prezidenti İslam Kərimovun Ermənistan-Azərbaycan, Dağlıq Qarabağ münaqişəsi haqqındakı mövqeyi, Azərbaycanın ərazi bütövlüyünü dəstəkləməsi barədə fikirləri sənədli ekran əsərində öz əksini tapıb.

Filmdə Prezident İlham Əliyevin münaqişə haqqında Özbəkistanda etdiyi çıxışı, Özbəkistanın prinsipial mövqeyinə görə təşəkkürü, Azərbaycan ərazisində ikinci erməni dövlətinin yaradılmasına imkan verilməyəcəyi və münaqişənin həllində ərazi bütövlüyü prinsipinin əsas götürülməsinə dair beynəlxalq təşkilatların qəbul etdiyi qərar və aktlar barədə söylədiyi fikirlər yer alıb.

Film ümummilli lider Heydər Əliyevin qədim tarixə, ənənələrə əsaslanan Azərbaycan-Özbəkistan dostluğu haqqında fikirləri ilə başa çatır.

XƏBƏR LENTİ