Çərşənbə, Mart 29, 2017
GÜNDƏM

Bakı Dövlət Universiteti Jurnalistika fakültəsi tələbələri arasında ənənəvi olaraq keçirilən “Mənim İmzam” yazı müsabiqəsinin qalibləri mükafatlandırılıb.

“Bakı 2015 ilk Avropa Oyunlarına” həsr olunmuş yazı müsabiqəsi BDU Jurnalistika fakültəsi tələbə-müəllim heyətinin təşkilatçılığı və  Tələbə Həmkarlar Təşkilatının (THT) dəstəyilə keçirilib. Bu dəfə “Mənim İmzam” müsabiqəsinin mükafat fondu Azərbaycan Respublikası Milli Məclisinin deputatı, Azərbaycanın əməkdar jurnalisti Aqil Abbasın şəxsi büdcəsindən təşkil olunub.

Universitetdə baş tutan təltifetmə mərasimində Jurnalistika fakültəsinin dekanı, professor Şamil Vəliyev,  professorlar-Cahangir Məmmədli,  Nəsir Əhmədli, “Mənim İmzam” layihəsinin rəhbəri, dekan müavini Əli Hacıyev, fakültə üzrə THT nümayəndəsi Rəşid Mustafazadə və tələbələr iştirak edib.

Fakültə dekanı hər kəsi salamlayıb və müsabiqənin təşkilatçılarına minnətdarlığını ifadə edib. “Mənim İmzam” layihəsinin rəhbəri budəfəki müsabiqənin xüsusiyyətləri və qiymətləndirmənin meyarlarını diqqətə çatdırıb.

Prof. Cahangir Məmmədli “Mənim İmzam” müsabiqəsinin fakültədə canlanma yaratdığı və gənc jurnalistləri yaradıcılığa cəlb etdiyini bildirib.

Prof. Nəsir Əhmədli son zamanlar BDU Jurnalistika fakültəsi tələbələrinin beynəlxalq və ölkə səviyyəsində qazandığı uğurlardan söz açıb. THT nümayəndəsi Rəşid Mustafazadə “Bakı 2015 ilk Avropa Oyunlarına” həsr olunmuş yazı müsabiqəsinin yeni-yeni imzaları üzə çıxardığını və eyni zamanda gənc qələm sahiblərinin üzərində işləməli olduqları cəhətləri göstərdiyini bildirib.

Sonda I, II və III yerləsin sahibləri diplom və pul mükafatı ilə təltif olunub. Peşəkar münsiflərin verdiyi ballara əsasən, I yerə 2-ci kurs tələbəsi Ulucay Məmmədov, II yerə 2-ci kurs tələbəsi Nigar Məmmədova və 3-cü kurs tələbəsi Ofeliya Əl-Xoca, III yerə isə 4-cü kurs tələbəsi Nərgiz Əzizova və II kurs tələbəsi Nurlan Salamov layiq görülüb.

Xatırladaq ki, BDU Jurnalistika fakültəsində hər ay müxtəlif nominasiyalar üzrə fakültə daxilində müsabiqə elan olunur və müsabiqə müddəti ərzində peşəkarlar arasında səsvermə keçirilərək qalib müəyyən olunur.

18 martda Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurası ilə Türkiyə Respublikası Türk Əməkdaşlıq və Koordinasiya Agentliyi (TİKA) Bakı Proqram Koordinatorluğunun əməkdaşlığı çərçivəsində “Bakı QHT-lərinin Resurs və Təlim Mərkəzi”nin açılış mərasimi keçirilib.

Trend-in məlumatına görə, qonaqlar Mərkəzin konfrans zalı və yardımçı otaqlarında QHT-lər üçün yaradılmış şəraitlə tanış olublar. Mərasimdə giriş sözü ilə çıxış edən Milli Qeyri-Hökumət Təşkilatları Forumunun prezidenti Rauf Zeyni 27 iyul 2007-ci ildə QHT-lərə Dövlət Dəstəyi Konsepsiyası təsdiqləndikdən sonra ölkəmizdə ictimai sektorun inkişafı sahəsində mühüm irəliləyişlərin müşahidə olunduğunu deyib. Rauf Zeyni Bakı QHT-lərinə xidmət edəcək Mərkəzin yaradılmasının Şura və TİKA-nın birgə əməkdaşlığı nəticəsində mümkün olduğunu qeyd edib və hər iki tərəfə təşəkkürünü bildirib.

Şura sədri, millət vəkili Azay Quliyev Mərkəzin yaradılmasının QHT-lər üçün xüsusi əhəmiyyət daşıdığını və onların resurslarının artırılmasına xidmət etdiyini bildirib. Azay Quliyev Şuranın, yaradılmasından ötən yeddi il ərzində vətəndaş cəmiyyətinin inkişafı üçün çoxsaylı proqramlar həyata keçirdiyini deyib. Şura sədri 2000-ci ildən başlayaraq ölkənin beş bölgəsində – Şəmkir, Şirvan, Qəbələ, Quba və Mingəçevirdə Resurs və Təlim Mərkəzlərinin təsis olunduğunu, ancaq Bakıda belə qurumun mövcud olmadığını qeyd edib. Şura sədri Mərkəzin açılmasını cənab prezident İlham Əliyevin imzaladığı “Azərbaycan Respublikasının qeyri-hökumət təşkilatlarına dövlət dəstəyi Konsepsiyasının təsdiq edilməsi haqqında Azərbaycan Respublikası Prezidentinin sərəncamı”nın icrası istiqamətində və QHT-lərlə dövlət arasında dialoqun inkişafı sahəsində irəliyə doğru atılmış mühüm addım olduğunu vurğulayıb. Azay Quliyev Türkiyə və Azərbaycanın yalnız dost və qardaş deyil, eyni zamanda həm də ortaq maraq və problemlərə malik dövlətlər olduğunu qeyd edib: “Sevindirici haldır ki, qarşılıqlı əməkdaşlığın nəticəsi olaraq bu gün Azərbaycan və Türkiyə dünyanın enerji xəritəsində mühüm rola sahibdirlər. Dünən cənab prezident İlham Əliyev və hörmətli cumhurbaşqanı Rəcəb Tayyib Ərdoğanın iştirakı ilə əsası qoyulan TANAP layihəsi bu istiqamətdə gücümüzü daha da artıracaq. Çox şadam ki, TİKA Şura olaraq bizim təşəbbüsümüzü dəstəklədi və qısa müddət ərzində Mərkəzin texniki avadanlıqlarla təhçizatını həyata keçirdi. Bu əməkdaşlıq formasının gələcəkdə daha geniş istiqamətlər üzrə inkişaf etdirilməsini istəyirik”.

Türkiyə-Azərbaycan Parlamentlərarası Dostluq Qrupunun üzvü, millət vəkili İsmayıl Günəş hər zaman 1918-ci ildə Anadoludan gələrək Azərbaycanın azadlığı üçün vuruşan şəxsləri, Qarabağ şəhidlərini rəhmətlə andıqlarını deyib. Türkiyəli millət vəkili Mərkəzin açılmasının Türkiyə-Azərbaycan arasındakı əlaqələrin inkişafı baxımından təqdiralayiq addım olduğunu qeyd edib.

TİKA başqan yardımçısı Mehmet Sürəyya Ər mərasimin Çanaqqala savaşının 100-cü ildönümünə təsadüf etdiyini və iki qardaş dövləti Azərbaycandan Türkiyəyə və Osmanlıdan Bakıya köməyə gələrək vuruşub şəhid olanların sarsılmaz bağlarla birləşdirdiyini deyib. M.S.Ər TİKA-nın kənd təsərrüfatından səhiyyəyədək ən müxtəlif sahələrdə layihələr həyata keçirdiyini, QHT-lərin fəaliyyətini dəstəkləməyə isə xüsusi önəm verdiklərini bildirib.
Professor Okan Yaşılot və TİKA-nın Azərbaycandakı koordinatoru Mustafa Haşim Polatda toplantıda çıxış edərək Mərkəzə fəaliyyətində uğurlar arzulayıblar.

Mərasimdə Türkiyə və Yaponiyanın Azərbaycandakı səfirliklərinin, ATET-in Bakı ofisinin, Avropa İttifaqının ölkəmizdəki nümayəndəliyinin, QHT və media qurumlarının təmsilçiləri iştirak edib.

Tələbə Qəbulu üzrə Dövlət Komissiyası (TQDK) baza ali tibb təhsili əsasında həkim-mütəxəssislərin hazırlanması məqsədilə rezidentura səviyyəsinə keçirilmiş qəbul imtahanının I mərhələsinin nəticələrini martın 16-da saat 17:30-dan etibarən elan etmişdir.

Hər bir namizəd TQDK-nın internet saytına daxil olaraq imtahan nəticələri və cavab kartının qrafik təsviri ilə tanış ola bilər.

Namizədlər imtahan nəticələri barədə məlumatı həmçinin mobil telefonla 7727 nömrəsinə iş nömrələrini göndərməklə də öyrənə bilərlər.

Nəticələrə əsasən, imtahanda iştirakı nəzərdə tutulan 1245 nəfər namizəddən 33 nəfəri imtahana gəlməmişdir. 1000 nəfər namizəd I mərhələnin müsabiqə şərtini (30 və daha yüksək bal) ödəyərək ikinci mərhələyə buraxılıb.

Ən yüksək nəticə 86 bal olmuşdur.

Qeyd edək ki, rezidentura səviyyəsinə qəbul imtahanının II mərhələsi iyulun 07-də keçiriləcək və namizədlərin ixtisas fənləri üzrə bilikləri yoxlanılacaq.

 

2015-ci ilin ötən iki ay ərzində Azərbaycan Respublikasının Baş Prokuroru yanında Korrupsiyaya Qarşı Mübarizə Baş İdarəsinin “161-qaynar xətt” əlaqə mərkəzinə daxil olmuş 86 şikayətə Səhiyyə Nazirliyində baxılıb.

Aparılan araşdırmalar zamanı müəyyən edilmiş pozuntu faktları üzrə 21 tibb işçisi barədə məsuliyyət tədbirləri görülüb, 71 şikayət əsassız hesab edilib.

Bundan əlavə, görülmüş yoxlama tədbirləri nəticəsində 19 saxta diplom aşkar olunaraq, toplanmış materiallar Korrupsiyaya Qarşı Mübarizə Baş İdarəsinə göndərilib.

Müəllimlər Novruz bayramına qədər maaş artımlarını alacaqlar.
Bu ilin yanvarın 1-dən maaşları artırılan müəllimlər martın 20-ə qədər əmək haqqlarının 3 aylıq artım hissəsini ala biləcəklər.

Bu gün, daha doğrusu martın 17-i, saat 19:00-dan başlayaraq müəllimlərin əmək haqqı kartlarına maaş artımlarının yüklənməsinə başlanılıb.

Qeyd edək ki, Azərbaycan prezidenti İlham Əliyevin imzaladığı sərəncama görə, dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin həftəlik dərs yükü norması 1,5 dəfə, aylıq vəzifə maaşları orta hesabla 2 dəfə artırılıb.

Sərəncam 2015-ci il yanvarın 1-dən qüvvəyə minsə də indiyə kimi müəllimlər maaş artımlarından faydalana bilməmişdi.

Mənbə: ANSPRESS

O, “Gənc şairlərdən sərbəst və qısa şeirlər” layihəsində qalib seçilib

Bakı Dövlət Universitetinin (BDU) jurnalistika fakültəsinin ikinci kurs tələbəsi qardaş ölkədə keçirilən ədəbi müsabiqələrdən birinin qalibi olub.

Azərbaycanlı tələbə Ulucay Məmmədov Türkiyənin “Vatan” və “Sabah” qəzetlərinin birgə layihəsi olan Nazim Hikmət Ranın xatirəsinə həsr edilmiş “Gənc şairlərdən sərbəst və qısa şeirlər” layihəsində qalib seçilib.

O, bu layihədə “Bir fincanlıq sevgi” şeiri ilə müsabiqəyə qatılıb və münsiflər heyəti tərəfindən seçilərək birinci yerə layiq görülüb.

Qeyd edək ki, 2014-cü ildə BDU-da “İlin ən yaxşı tələbəsi” seçilən U.Məmmədov beş ildir yaradıcılıqla məşğuldur. Azərbaycan Yazıçılar Birliyinin Gənc Ədiblər və Axın Poeziya klublarının, Türkdilli Gənclər Birliyinin yaradıcılıq departamentinin üzvüdür. Bir sıra yerli mətbuat orqanlarında tərcüməçi və jurnalist kimi fəaliyyət göstərir.

Sözügedən şeiri təqdim edirik:

Belki buluşalım, ne dersin?
Seninle bir fincan çay içmek için
Ömrümü feda ederdim inan.
Çay bitdikden sonra gitsen de olur,
Bir fincanlık buluşalım.
Üşüyen ellerimi sıcak fincan,
Kalbimise gülüşün ısıtsın.
Çok şey istemiyorum aslında.
Bir fincanlık sohbet,
Bir kaşıklık mutluluk yeter.

Mənbə: ANSPRESS

 

“Elektron hökumət” üzrə jurnalistlər və İKT ilə maraqlanan tələbələr üçün təşkil olunmuş kurslar yekunlaşdı

Məlumat Hesablama Mərkəzi tərəfindən jurnalistlər və İKT ilə maraqlanan tələbələr üçün təşkil olunmuş 2 günlük kurslar başa çatdı.

Martın 17-18-də keçirilən kursun ilk günü MHM-in direktoru Nail Mərdanov “Elektron hökumət” quruculuğu barədə ətraflı informasiya verdi.

Kursun son günü Azərbaycan İnternet Forumunun prezidenti Osman Gündüz çıxış edərək elektron hökumətin və elektronlaşma prosesinin inkişafında jurnalistlərin rolu barədə ətraflı məlumat verdi. O jurnalistləri Elektron hökumət quruculuğu üzrə araşdırmalar etməyə, təzad doğuran bəzi məsələləri işıqlandıraraq rəy bildirməyə səslədi.

Həmçinin, elektron hökumətin informasiya və şəbəkə təhlükəsizliyi, fərdi məlumatların mühafizəsi, kiber-cinayətkarlığa qarşı mübarizə, elektron imza və yeni nəsil şəxsiyyət vəsiqələrinin mahiyyəti, əhəmiyyəti və sair mövzular üzrə iştirakçılara geniş informasiya verildi. “Elektron hökumət” portalı və “E-imza” üzrə praktiki iş aparıldı.

Qeyd etmək istərdik ki, seminar müddətində iştirakçılar aktiv müzakirələrə qoşulur, onlar tərəfindən çox saylı suallar ünvanlanırdı.

Kurs yekunlaşdıqdan sonra iştirakçılara elektron-imza kartları və xüsusi  sertifikatlar təqdim edildi.

2015/2016-cı tədris ili üçün ali təhsil müəssisələrinin magistratura səviyyəsinə qəbul imtahanının 22 fevral 2015 ci il tarixində keçirilmiş birinci mərhələsində 50 və daha çox bal toplayaraq müsabiqə şərtlərini ödəyən və imtahanın ikinci mərhələsinə buraxılan bütün bakalavrlar bitirdikləri bakalavr ixtisaslarından asılı olmayaraq, jurnalistika ixtisası üzrə magistratura ixtisaslaşmalarına qəbul olunmaq istəyirlərsə, 2015-ci ilin mart ayının 19-dan 29-dək TQDK nın internet saytında müvafiq səhifədə (https://eservices.tqdk.gov.az/erizemag/jurnalistikaanket/?frm=egov) jurnalistika üzrə ixtisaslaşmalara qəbul olunmaq istəyən bakalavrların qeydiyyatı üçün nəzərdə tutulmuş bölməyə daxil olaraq sorğu anketini doldurmaqla qeydiyyatdan keçməlidirlər.

Anketin bütün bəndləri Azərbaycan dilində, yığcam şəkildə doldurulmalıdır. Anketi doldurmaqla qeydiyyatdan keçən bakalavrlar TQDK tərəfindən elan edilən vaxtda qabiliyyət imtahanında iştirak etməlidirlər.
Bakalavr qabiliyyət imtahanına gələrkən özü ilə aşağıdakı sənədləri gətirməlidir:
1. şəxsiyyətini təsdiq edən sənəd;
2. “Bakalavrın qabiliyyət imtahanına buraxılış vərəqəsi”.

Bunlarla yanaşı, bakalavr qabiliyyət imtahanına gələrkən dövri mətbuatda, radio və televiziyada, internet KİV-lərdə yayımlanmış jurnalistika üzrə yazılarını (radio və televiziyada yayımlanmış çıxışlarının disk yazılarını) da qovluqda Qabiliyyət imtahanı komissiyasına təqdim etməlidir. Dövri mətbuatda, radio və televiziyada, internet KİV‑lərdə yayımlanmış jurnalistika üzrə yazıları (çıxışları) olmayan bakalavrlar da sorğu anketini dolduraraq qeydiyyatdan keçməklə qabiliyyət imtahanında iştirak edə bilərlər.
Qabiliyyət imtahanında hər bir bakalavra təxminən 30 dəqiqə vaxt ayrılır. Hər bir bakalavr bilet çəkməklə komissiya qarşısında cavab verir. Redaksiya tapşırığı yazılı formada yerinə yetirilir.
Hər bir biletin quruluşu təxminən aşağıdakı kimidir:
1. Bakalavrın dövri mətbuatda, radio və televiziyada, internet KİV-lərdə yayımlanmış jurnalistika üzrə yazılarına baxış və onların təhlili, şıfahi müsahibə;
2. Bakalavrın ona imtahanda təqdim edilən mətbuat materialını təhlil etməsi;
3. İmtahanda verilmiş redaksiya tapşırığının bakalavr tərəfindən yerinə yetirilməsi.
İmtahanda hər bir bakalavrın cavabları müvafiq şəkildə protokollaşdırılır.
Qabiliyyət imtahanının qısa təsviri aşağıda verilir:
1. Bakalavrın dövri mətbuatda, radio və televiziyada, internet KİV-lərdə yayımlanmış jurnalistika üzrə yazılarına baxış və onların təhlili. Bu zaman, xüsusilə belə yazıları az olan və ya heç olmayan hər hansı bakalavr imtahan verərkən komissiya üzvləri onun ümumi dünyagörüş səviyyəsini, dünyada və ölkəmizdə cərəyan edən hadisələrdən və ictimai-siyasi proseslərdən xəbərdar olub-olmamasını, jurnalistikaya marağını, motivasiyasını, KİV-lərlə tanışlığını, jurnalistikanın cəmiyyətdə rolunu başa düşməsini, jurnalistin peşə etikası qaydalarına bələdliyini və s. müəyyənləşdirmək məqsədi ilə təqdim edilmiş ədəbiyyat (mənbələr) çərçivəsində ona müvafiq suallar verə bilərlər;
2. Bakalavrın ona imtahanda təqdim edilən mətbuat materialını təhlil etməsi;
Qabiliyyət imtahanı zamanı təqdim edilən materialı təhlil edərkən bakalavr aşağıdakı suallara cavab verməyə çalışmalıdır:
• Təqdim edilmiş materialın əsas ideyası nədir?
• Mövzu nə dərəcədə açılmışdır?
• Jurnalist material vasitəsi ilə oxucuya hansı fikri çatdırmaq istəyir?
• Materialı hazırlayarkən müəllif hansı informasiya mənbələrindən istifadə etmişdir?
• Materialın quruluşu və forması necədir?
• Verilmiş material jurnalistikanın hansı janrına aiddir?
• Verilmiş materialda hansı dəyişikliklər, düzəlişlər edərdiniz?
Qeyd: Təhlil üçün materiallar tədris bölmələrinə müvafiq olaraq Azərbaycan və rus dillərində təqdm olunur.

3. İmtahanda verilmiş redaksiya tapşırığının bakalavr tərəfindən yazılı yerinə yetirilməsi.
Məsələn, Olimpiya yarışlarında qalib gəlmiş idmançı, ali təhsil müəssisələrinə qəbul imtahanında yüksək bal toplamış və universitetə qəbul olunmuş abituriyent, əmək nailiyyətlərinə görə orden və ya medalla təltif edilmiş fəhlə, oğlu Vətən uğrunda şəhid olmuş ana, hüquq-mühafizə orqanının məsul işçisi, “Əməkdar müəllim” adına layiq görülmüş orta məktəb müəllimi, görkəmli alim, tanınmış yazıçı, məşhur sənət adamı və digər şəxslər haqqında yazı hazırlamaq lazımdır. Bunun üçün hansı mənbələrdən istifadə edər, kimlərdən müsahibə alar, müsahibə götürərkən onlara hansı suallarla müraciət edərdiniz? Müsahibənizi harada götürər və hazırladığınız materialı hansı formada və ardıcıllıqla qurardınız?
Bakalavrın biletin hər bir bəndi üzrə cavabları 5 ballıq şkala üzrə qiymətləndirilir (3 bənd üzrə maksimum bal: 15). Bilet üzrə ümumilikdə 8 və daha çox bal toplamış bakalavrlar imtahandan “məqbul” qiymət almış hesab edilirlər və imtahanın ikinci mərhələsində 44 saylı jurnalistika proqramı üzrə imtahan verərək inşa (esse) yazırlar. Bu bakalavrlardan mərhələ üzrə və ümumi müsabiqə şərtini ödəyənlər ixtisaslaşma seçimi zamanı jurnalistika üzrə ixtisaslaşmaları seçə bilərlər.
Jurnalistika üzrə qabiliyyət imtahanına hazırlaşmaq üçün ədəbiyyat (mənbə) siyahısı

1. Azərbaycan Respublikasının Konstitusiyası. http://www.president.az/azerbaijan/constitution/

 

2. “Azərbaycan 2020: gələcəyə baxış” İnkişaf Konsepsiyası. Azərbaycan Respublikası Prezidentinin 2012-ci il 29 dekabr tarixli Fərmanı ilə təsdiq edilmişdir. http://www.president.az/files/future_az.pdf 

3. Kütləvi informasiya vasitələri haqqında Azərbaycan Respublikasının Qanunu, № 769-IQ, 7 dekabr 1999 cu il. http://e-qanun.az/files/framework/data/7/f_7512.htm 

4. İnformasiya əldə etmək haqqında Azərbaycan Respublikasının Qanunu, № 1024-IIQ, 30 sentyabr 2005 ci il. http://e-qanun.az/files/framework/data/11/c_f_11142.htm 

5. Məlumat azadlığı haqqında Azərbaycan Respublikasının Qanunu, № 505-IQ, 19 iyun 1998 ci il. http://e-qanun.az/files/framework/data/3/c_f_3420.htm 

6. Dövlət sirri haqqında Azərbaycan Respublikasının Qanunu, № 733-IIQ, 07 sentyabr 2004 cü il. http://e-qanun.az/files/framework/data/3/f_3731.htm 

7. Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası. Azərbaycan Respublikası Prezidentinin 2008-ci il 31 iyul tarixli Sərəncamı ilə təsdiq edilmişdir. http://www.presscouncil.az/metbuat-shurasi/KIV-huquqi-normativ%20baza/KIV-Konsepsiya.doc 

8. Azərbaycan jurnalistlərinin peşə davranışı qaydaları (yeni variant). Sənəd 2003-cü il martın 15 də Azərbaycan jurnalistlərinin birinci qurultayında qəbul edilib. http://www.presscouncil.az/az/show.page.php?guid=6b713f93-ba53-11df-b529-0022190362dd 

9. İnsan hüquqlarının və əsas azadlıqların müdafiəsi haqqında Konvensiya. Roma, 4 noyabr 1950 ci il. Konvensiyanın rəsmi tərcüməsi (Azərbaycan Respublikasının Qanunvericilik Toplusu, 31 mart 2002-ci il, №3). http://www.ajb.az/site/konvensiya.pdf 

10. Beynəlxalq Jurnalistlər Federasiyasının Jurnalist Davranışının Prinsipləri Haqqında Bəyannaməsi. Beynəlxalq Jurnalistlər Federasiyasının (BJF) II Ümumdünya Konqresində (Bordo, 25-28 aprel 1954-cü il) qəbul edilmiş; BJF-nin XVIII Ümumdünya Konqresində (Helsinki, 2-6 iyun 1986-cı il) düzəlişlər edilmişdir. http://www.ajb.az/site/beyanname.pdf 

11. Fichtelius E. Jurnalistikanın on qızıl qaydası. http://www.ajb.az/i/jurnalistikanin_on_qizil_qaydasi.pdf

“Eurovision” mahnı müsabiqəsinin rəsmi YouTube kanalında bu il Azərbaycanı yarışmada təmsil edəcək Elnur Hüseynovun “Hour of the wolf” mahnısına çəkilmiş yeni klip təqdim edilib.
Oxu.Az xəbər verir ki, “Hour of the wolf” kompozisiyası isveçli Nikolas Rebşer, Niklas Lif, Lina Hanson və Sandra Byordman tərəfindən yazılıb.
Həmin klipi təqdim edirik.

Novruz bayramı münasibətilə xalq artisti Zeynəb Xanlarova Amerika Birləşmiş Ştatlarının Nyu-York şəhərində konsert proqramı ilə çıxış edib.

Modern.az saytı xəbər verir ki, Diasporla İş üzrə Dövlət Komitəsinin dəstəyi ilə təşkil olunmuş proqram Nyu-Yorkun Bruklin səmtindəki “Master Theatre” adlı konsert kompleksində baş tutub.

Konsert Azərbaycanın milli himninin səsləndirilməsi ilə başlayıb. “Xoş gördük, əzizlərim” adlı proqramda xalq artisti Zeynəb Xanlarova on nəfərlik ansamblının müşayiəti ilə repertuarındakı ən sevilən mahnıları “Xoş gördük”, Doğmasan mənə”, “Anacan”, “Niyə yox deyirsən”, “Azərbaycan maralı”, “Olmaz, olmaz”, “Qadan mən alım”, “Gül yanaqlım”ifa edib.

Tədbirdə iştirak edən Bruklin rayonunun rəhbəri Erik L.Adams çıxış edərək Novruz bayramı münasibətilə azərbaycanlıları təbrik edib.

Daha sonra Zeynəb Xanlarova haqqında fikirlərini bölüşən Erik L.Adams onun Azərbaycan mədəniyyətinin, muğamın təbliğinə verdiyi töhfələrı, 50 ilə yaxın Azərbaycan Opera və Balet teatrındakı fəaliyyətini, müxtəlif dillərdə mahnılar ifa edərək xalqlar arasında mədəni əlaqələrin inkişafındakı xidmətlərini yüksək qiymətləndirib. Bruklin rayonunun rəhbəri bu xidmətlərinə görə Azərbaycanın xalq artisti Zeynəb Xanlarovanı Bruklinin xüsusi mükafatı ilə təltif edib.

Nyu-Yorkda Qafqaz Yəhudilərinin Mərkəzi Cəmiyyəti, eyni zamanda bir sıra Azərbaycan diaspor təşkilatları da Azərbaycan mədəniyyətinin təbliğində və mədəniyyətlərin birləşməsində göstərdiyi xidmətlərinə görə Zeynəb Xanlarovaya mükafat və diplomlar təqdim edib.

Konserti izləyən tamaşaçılar arasında ABŞ-ın bir sıra şəhərlərindən gəlmiş azərbaycanlı, türk, yəhudi və digər xalqların nümayəndələri olub. İki saat yarım davam edən konsert Zeynəb Xanlarovanın “Birlik” mahnısı ilə başa çatıb.

Bu gün Təhsil Nazirliyinin və “Edumedia-Azərbaycan” təşkilatının birgə təşkilatçılığı ilə yeni bir layihə nümayiş etdirilib. Dialoq.info-nun məlumatına görə Bakıdakı 193 saylı tam orta məktəbdə fizika, kimya və biologiya fənləri üçün nəzərdə tutulan layihə çərçivəsində müəllim və şagirdlərə elmi təcrübələri sadə bir cihazın və proqram təminatının köməkliyi ilə əyani müşahidə etməyə imkan verən Labdisc cihazı nümayiş etdirilib.

Keçirilən açıq dərs zamanı 7-ci sinif şagirdləri bu cihaz vasitəsilə qüvvə, maqnit sahəsi, tənəffüs, CO2, gərginlik və ürək nəbzinin təcrübəsini aparıblar.

<p”><p”>

Təhsil Nazirliyi və “Edumedia-Azərbaycan” şirkətinin birgə əməkdaşlığlı ilə bu cihazlardan istifadəni təmin etmək üçün Globisens şirkətinin mütəxəsislərini Azərbaycana dəvət edərək 25 nəfərdən ibarət müəllim heyətinə 3 gün müddətində təlim keçirilib. Təhsil Nazirliyinin göstərişlərinə əsasən ilk dəfə tətbiq edilən bu cihazların digər məktəblərə də paylanacağı nəzərdə tutulub.

Azərbaycan Mətbuat Şurası yaxın günlərdə jurnalistika üzrə magistraturaya qəbul imtahanının qabiliyyət imtahanı mərhələsində Qabiliyyət imtahanı komissiyasının üzvləri kimi iştirak etməsi nəzərdə tutulan ekspertlərin siyahısını və onlarla bağlı zəruri məlumatları Tələbə Qəbulu üzrə Dövlət Komissiyasına təqdim edəcək.

MŞ-dən Modern.az-a verilən məlumata görə, ali məktəblərin jurnalistika fakültələrinin magist pilləsində təhsil almaq istəyən və 2015/2016-cı tədris ili üçün ali təhsil müəssisələrinin magistratura səviyyəsinə qəbul imtahanının birinci mərhələsində 50 və daha çox bal toplayan bakalavrların qeydiyyatı 2015-ci il martın 19-dan 29-dək aparılacaq. Bunun üçün onlar TQDK-nın internet saytında müvafiq səhifədə (http://eservices.tqdk.gov.az/erizemag/) jurnalistika üzrə ixtisaslaşmalara qəbul olunmaq istəyən bakalavrların qeydiyyatı üçün nəzərdə tutulmuş bölməyə daxil olaraq sorğu anketini doldurmalıdırlar.
Məsələ ilə bağlı prosedur qaydalar və proqramlar Azərbaycan Respublikasının Tələbə Qəbulu üzrə Dövlət Komissiyasının rəsmi orqanı olan “Magistr” jurnalının 2015-ci ildə çapdan çıxmış 3-cü sayında dərc edilib.

Xüsusi olaraq qeyd edirik ki, 2015/2016-cı tədris ili üçün ali təhsil müəssisələrinin magistratura səviyyəsinə qəbul imtahanının birinci mərhələsində 50 və daha çox bal toplayaraq müsabiqə şərtlərini ödəyən və imtahanın ikinci mərhələsinə buraxılan bütün bakalavrlar bitirdikləri bakalavr ixtisaslarından asılı olmayaraq magistr pilləsindəki təhsillərini jurnalistika ixtisası üzrə davam etdirə bilərlər.

10455116_511053782366835_8905167152572297177_n14 martda “Müasir İnkişaf” İctimai Birliyinin, Hindistanın Azərbaycandakı Səfirliyinin, Türk Evinin, Hindistan-Azərbaycan Dostluq Cəmiyyətinin birgə təşkilatçılığı ilə Bakı Atatürk Liseyində Novruz bayramı və Holi 10384752_511053795700167_742640098288481090_nbayramı münasibətilə tədbir keçirilib.

Türk Evinin fəal üzvlərindən olan Deniz bəyin aparıcılığı ilə başlayan tədbirdə Hindistan, Holi bayramı, 10982796_511053792366834_3324552728537035374_nNovruz bayramı haqqında videolar göstərilib, mahnılar oxunub, rəqslər göstərilib.

10931085_511053842366829_8466516354235904350_nDaha sonra “Müasir İnkişaf” İctimai Birliyinin İdarə Heyətinin sədri Mübariz Göyüşlü, Bakı Atatürk Liseyinin 988899_511053895700157_6768070748903207370_nmüdiri Ali Devrim, Türk Evinin həmsədri Yalçın Sucu, Hindistan_Azərbaycan Dostluq Cəmiyyətinin və 11011889_511053939033486_402579093369472263_nHindistanın Azərbaycandakı Səfirliyinin təmsilçiləri çıxış ediblər.

10997483_511053985700148_287549196014692490_nMaraqlı musiqi və rəqs təqdimatları ilə davam edən tədbirin sonunda Hindistan mətbəxinəaid yeməklər iştirakçılara təqdim olunub.

11053135_511054295700117_2431321204632558508_nƏn sonda tədbirin gənclərdən ibarət olan qismi Liseyin həyətində Holi bayramnın mahiyyətinə uyğun olaraq bir birilərini rnglərə boyayıb, yazın gəlişini, təbiətin oyanmasını fərqli bir şəkildə qeyd ediblər.

O, “Hour of the Wolf” mahnısını ifa edəcək

İTV-dən  verilən məlumata görə, Azərbaycanı müsabiqədə Elnur Hüseynov təmsil edəcək. O, “Hour of the Wolf” mahnısını ifa edəcək.

Qeyd edək ki, E. Hüseynov 2008-ci ildə də duet ortağı Samirlə  birlikdə “Day After Day” mahnısı ilə Azərbaycanı “Eurovision”da təmsil edib.

E. Hüseynov “Eurovision 2015”I  özünü solo ifaçı kimi təsdiq etmək üçün “böyük şans” adlandırıb: “Mahnıma güvənirəm, çünki onun çox güclü ismarıcları var. Bu, həqiqətən də böyük mənası olan bir mahnıdır. Ən önəmlisi “bir savaşa layiqdir ürək” mesajıdır – biz heç vaxt təslim olmamalıyıq. Öz xoşbəxtliyimiz və daha yaxşı gələcəyimiz üçün daim savaşmalıyıq. Eurovision-a bu ismarışı avropalılarla paylaşmaq üçün gedirəm”.

E. Hüeseynov Azərbaycan Dövlət Akademik Opera və Balet Teatrının, eləcə də Dövlət Filarmoniyasının solisti olub. O, “Notre-Dame de Paris” müziklının Azərbaycan versiyasında Foebus partiyasını ifa edib. O, həmçinin beynəlxalq səs istedadları şousu – “The Voice”-un Türkiyə versiyası olan “O səs Türkiyə”nin qalibi olub.

Xatırladaq ki, Azərbaycan 2008-ci ildə Eurovision Mahnı Müsabiqəsində uğurla debüt edib, 2011-ci ildə Ell və Nikkinin ifa etdiyi “Running Scared” adlı mahnı ilə qalib gəlib. 2012-ci ildə Bakı 42 ölkənin iştirakı ilə müsabiqəyə ev sahibliyi edib.

Mənbə: APA

XƏBƏR LENTİ