Çərşənbə, Mart 29, 2017
SƏRGİLƏR

7-9 oktyabr tarixində Bakı Ekspo Mərkəzində Azərbaycanın təhsil sahəsi üzrə yeganə sərgi – Azərbaycan Respublikası Təhsil Nazirliyinin rəsmi dəstəyi və fəal iştirakı ilə təşkil olunan 10-cu Yubiley Azərbaycan Beynəlxalq Təhsil sərgisi öz işinə başlayacaq. Ənənəvi olaraq, “Təhsil” sərgisi “Karyera” sərgisi ilə eyni vaxtda keçirilir və həm öz miqyasına, həm də tərkibinə görə Azərbaycanda təhsil xidmətləri üzrə ən böyük tədbirdir. Sərginin təşkilatçısı qismində “Caspian Event Organisers” (“CEO”) şirkəti çıxış edir.

Bu il “Təhsil” sərgisində Azərbaycan, Almaniya, Latviya, Litva, Polşa, Macarıstan və digər ölkələrin ali təhsil müəssisəsi, kollec və başqa təhsil təşkilatlarının nümayəndələri sərgi ziyarətçilərini təhsil proqramları ilə tanış edəcəklər. Sərgidə milli stendlərlə Polşa (“Go Poland”) və Litva (“Study in Lithuania”) çıxış edəcəklər.

Azərbaycanı təmsil edən təhsil müəssisələrinin siyahısında Azərbaycan Dövlət Neft və Sənaye Universiteti, Azərbaycan Texniki Universiteti, Azərbaycan Texnologiya Universiteti (Gəncə), Azərbaycan Memarlıq və İnşaat Universiteti, Gəncə Dövlət Universiteti və “CELT Colleges” yer tutub. Sərgidə hər il fəal iştirak edən Azərbaycan Respublikası Təhsil Nazirliyinin stendində isə nazirliyin yaxın illər üçün plan və proqramları barədə informasiya təqdim olunacaq.

Ümumilikdə, sərgi çərçivəsində ziyarətçilərə bakalavr, magistratura, aspirantura, eləcə də ikinci ali təhsil və “MBA” proqramı, o cümlədən işgüzar xarici dil kursları, təcrübə və treninqlər üzrə proqramlar təqdim olunacaq. Bu il “Təhsil” sərgisində ilk dəfə Beynəlxalq Sabis Sun Məktəbi məktəbəqədər təhsil programıyla iştirak edəcək. Ziyarətçilər bilavasitə sərgidə aparıcı ali təhsil müəssisələrinin nümayəndələri ilə şəxsən ünsiyyət quraraq qəbul prosesinin ilk addımları, qəbula ən yaxşı şəkildə hazırlaşma, sənəd qəbulunun müddətləri, təhsil haqqı və yaşayış yerləri kimi məsələlər xüsusunda onları maraqlandıran suallar vermək, eləcə də ali təhsil müəssisələrinin reytinq və ixtisaslaşmalarını, habelə digər məsələləri öyrənmək imkanına malik olacaqlar.

Sərgidə “Lukas-Nuelle” və “Eduguide” şirkətləri tərəfindən “Təhsil müəssisələri üçün müasir avadanlıqlar və multimedia sistemləri” sektoru çərçivəsində laboratoriya avadanlıqları, interaktiv lövhələr, orta və ali təhsil müəssisələri üçün kompyuterlər nümayiş olunacaq.

Beləliklə, sərgi bir daha təhsil sahəsində çoxsaylı seçim imkanları təklif edən unikal platformaya çevriləcək. “Təhsil” sərgisinə giriş 9-11-ci sinif şagirdləri, eləcə də onların valideynləri, habelə abituriyentlər, tələbələr, məktəb direktorları, universitetlərin rektorları, təsərrüfat işləri üzrə prorektorlar və təhsil sahəsinin digər peşəkarları üçün açıq olacaq.

Artıq sərginin saytında ekspress-qeydiyyat fəaliyyət göstərir. Sərginin keçiriləcəyi günlərdə ziyarətçiləri metronun “Koroğlu” stansiyasından sərgi mərkəzinə və geriyə (ödənişsiz) daşıyacaq xüsusi avtobuslar təşkil olunacaq. Sərgi öz işini oktyabr ayının 9-nə kimi davam etdirəcək.

eduexpo.az

“Azerbaijan International Real Estate & Investment Exhibition” (RECEXPO) sərgisində yerli və beynəlxalq tikinti şirkətləri, daşınmaz əmlak sahəsindəki brend layihələr, seçilmiş daşınmaz əmlak firmaları, eləcə də, daşınmaz əmlak investorları iştirak edəcək. 17-19 dekabr tarixində, Baku Expo Centerdə keçiriləcək sərginin təşkilatçısı “ELANEXPO” beynəlxalq sərgi şirkətidir. “Elanexpo” regionda ixtisaslaşmış sərgilərin keçirilməsi üzrə ixtisaslaşıb. Belə ki, bu şirkət hər il 5 fərqli ölkədə 20 beynəlxalq sərgi həyata keçirir.
Regionun əsas layihələri bir arada RECEXPO sərgisində Azərbaycan, Avropa, Orta Şərq, Fars Körfəzi və Qafqaz ölkələrinin ən cəlbedici mülk layihələri nümayiş etdiriləcək. Sərgidə beynəlxalq nüfuzlu satış agentlərinin, iri investorların, tikinti və daşınmaz şirkətlərinin, eləcə də istehlakçılar və dövlət qurumlarının iştirakı nəzərdə tutulur. Müştərilər seçim edə biləcəklər RECEXPO sərgisinin ən cəlbedici cəhəti burada sonuncu istehlakçılar, yəni birbaşa alıcılar üçün yaradılan seçim imkanları olacaq. Sərgi təşkilatçıları “RECEXPO”da beynəlxalq əhatədə aktual olan bir çox yeni və brend layihələrini toplamağı planlaşdırırlar. Bütün layihələrin eyni zamanda nümayişi və təqdimatı sayəsində əmlak alıcıları, təklifləri müqayisə etmək, sürpriz fürsətləri qiymətləndirə bilmək, sərfəli variantları seçmək imkanı qazanacaqlar. Nəticədə sərgi iştirakçıları və potensial investorlar daşınmaz əmlak sektoruna öz tələbatlarına uyğun olaraq ən düzgün investisiya həyata keçirə biləcəklər.

İştirak sərbəstdir!

Heydər Əliyev Mərkəzində dünyanın məşhur sərgilərindən olan və ziyarətçilər tərəfindən böyük maraqla qarşılanan “Qreys Kelli: Şahzadə və stil ikonası” sərgisinin açılış mərasimi keçirilib.

Dialoq.info xəbər verir ki, tədbirdə Azərbaycanın birinci xanımı, Heydər Əliyev Fondunun prezidenti Mehriban Əliyeva, qızları Leyla Əliyeva, Arzu Əliyeva və “Bakı-2015” ilk Avropa Oyunlarının açılış mərasimini izləmək üçün paytaxtımıza gələn Monako knyazı, Qreys Kellinin oğlu, Monako Şahzadəsi II Albert iştirak ediblər.

M. Əliyeva Heydər Əliyev Mərkəzində xarici ölkələrdən Bakıya səfər edən tanınmış ictimai-siyasi və idman xadimləri ilə görüşüb. M. Əliyeva və II Albert sərginin açılışını bildirən rəmzi lenti kəsiblər.

M. Əliyeva, qızları və Monako Şahzadəsi II Albert sərgi ilə tanış olublar.

Azərbaycanda ilk dəfə keçirilən bu nadir sərgi tanınmış Hollivud aktrisası və Monako şahzadəsi Qreys Kellinin həyat yoluna həsr olunub.

“Qreys Kelli: Şahzadə və stil ikonası” sərgisi ilk dəfə 2007-ci ildə Monakoda açılıb və onu 135 min tamaşaçı izləyib. Bundan sonra ekspozisiya Paris, Moskva, Roma, San-Paulo, Toronto, Bendiqo, Astana, Monreal, Doylestaun və Apeldorn şəhərlərində təqdim olunub.

Qeyd edək ki, Q. Kelli Hollivudun məşhur kino ulduzlarından olub. O, tanınmış rejissor Alfred Hiçkokun sevimli aktrisası idi.

Heydər Əliyev Mərkəzindəki bu sərgi ziyarətçilər üçün iyunun 13-dən noyabrın 1-dək açıq olacaq.

Noyabrın 13-də Azərbaycan milli incəsənət Muzeyində gürcü rəssamları – Gürcüstan Rəssamlıq Akademiyasının rektoru akademik Qiya Ququşvili və professor Ketevan Matabellinin fərdi sərgisi açılıb.

Sərgi Azərbaycan Respublikasının Mədəniyyət və Turizm Nazirliyi və Milli İncəsənət Muzeyi tərəfindən təşkil edilib.

Açılış mərasimində mədəniyyət və turizm nazirinin müavini Sevda Məmmədəliyeva, muzeyin direktoru, Əməkdar İncəsənət Xadimi, professor Çingiz Fərzəliyev, Azərbaycan Rəssamlar İttifaqının sədri, Xalq Rəssamı Fərhad Xəlilov, Azərbaycan Yazıçılar Birliyinin katibi, Xalq Yazıçısı Çingiz Abdullayev, Azərbaycanın Rusiyadakı səfiri Polad Bülbüloğlu və başqaları iştirak ediblər.

Qeyd edilib ki, son illər Azərbaycanla Gürcüstan arasında mədəni əlaqələr xeyli genişlənib. Sərgilərin və digər mədəniyyət tədbirlərinin keçirilməsi artıq ənənəyə çevrilib.

Qiya Ququşvili 1952-ci ildə anadan olub. O, Tbilisi Rəssamlıq Akademiyasında professor Koki Maxaradzenin sinfində təhsil alıb. Gənc rəssamın əsərləri tezliklə respublika və beynəlxalq səviyyəli sərgilərdə uğur qazanıb. Onun Gürcüstanda, ABŞ-da, İsveçrədə, Rusiyada fərdi sərgiləri keçirilib. Q.Ququşvilinin əsərləri şəxsi kolleksiyalarda və dünyanın bir çox muzeylərində saxlanılır. Bakıda təşkil edilən sərgidə rəssamın 26 əsəri təqdim edilib.

Q.Ququşvili Yaponiyanın Osaka şəhərində keçirilmiş beynəlxalq sərgidə qızıl medala layiq görülüb. Gənc istedadların yetişməsində rəssamın böyük əməyi var. O, rektor kimi müxtəlif art-proqramlar tərtib edir, ekspozisiyalar hazırlayır.

Q.Ququşvili incəsənətdə böyük xidmətlərinə görə Gürcüstanın Dövlət mükafatına layiq görülüb.

Ketevan Matabelli də Tbilisi Rəssamlıq Akademiyasında Koki Maxaradzenin sinfində təhsil alıb. O, yaradıcılığının ilk illərindən rəngkarlıqla yanaşı, kitab qrafikası və teatr tərtibatı ilə məşğul olub. Gürcüstan və Şərq miniatür ənənələri rəssamın yaradıcılığında xüsusi yer tutur. K.Matabelli Şota Rustavelli adına Dövlət mükafatına və “Gürcü ruhu” mükafatına layiq görülüb.

Bakıda təşkil edilən sərgidə rəssamın 45 əsəri yer alıb.

Tədbirdə Gürcüstan Rəssamlıq Akademiyanın rektoru, habelə Gürcüstan Milli Muzeyinin direktoru David Lordkipanidze, Gürcüstan Milli Elmlər Akademiyasının müxbir üzvü Valeri Asatiani Azərbaycan Dövlət Rəssamlıq Akademiyasının “Fəxri doktoru” adı verilməsi haqqında diplomlar, habelə Mədəniyyət və Turizm Nazirliyinin təşəkkürnamələri təqdim olunub.

Rəssam, “YARAT” ictimai birliyinin təsisçisi Aida Mahmudovanın “ELYSIUM” adlı fərdi sərgisi keçiriləcək.

Dialoq.info-nun məlumatına görə, rəssam sərgilənəcək əsərlərdə xəyali nəbatat bağı mövzusunu tətbiq edir. A.Mahmudovanın fırçasından ərsəyə gələn rənglər hissiyyatları və emosiyaları əsrarəngiz, ekzotik bitkilər aləminə aparır.

Qeyd edək ki, sərgi noyabrın 14-də Bakı Müasir İncəsənət Muzeyində baş tutacaq və dekabrın 13-nə kimi davam edəcək.

Noyabrın 5-də Muzey Mərkəzinin sərgi qalereyasında “Fusion Doll” III Bakı Beynəlxalq Kukla Biennalesinin açılış mərasimi oldu. Biennalenin təşkilatçıları Mədəniyyət və Turizm Nazirliyi, “Kukla” art qalereyası və Muzey Mərkəzidir.

Mərasimdə çıxış edən mədəniyyət və turizm naziri Əbülfəs Qarayev iştirakçıları salamlayaraq paytaxtımızın növbəti dəfə sənətsevərləri bir araya gətirən beynəlxalq tədbirə ev sahibliyi etdiyini bildirdi. Qeyd etdi ki, artıq üçüncü dəfə gerçəkləşən “Fusion Doll” Beynəlxalq Kukla Biennalesi ötən illər ərzində öz auditoriyasını toplaya bilib. 2011 və 2013-cü illərdə təşkil olunan biennale maraqlı təqdimatlarla yadda qalıb, müəllif kukla sənəti sahəsində peşəkarların görüş yerinə çevrilib.

Bir çoxları maraqlana bilər ki, niyə kukla biennalesinin adında “fusion” sözü yer alıb. “Fusion” bütün incəsənət növlərində bir sintez, eksperiment, improvizasiya xarakteri daşıyan anlayışdır. Kukla sənəti öz daxilində, xüsusilə də müəllif kukla yaradıcılığı özlüyündə bir neçə sənəti əks etdirən incəsənət növüdür. Buna görə də təşkil olunan biennale belə bir adla təqdim edilir. Bəzən kukla sənətinə incəsənət növü kimi sadə yanaşılır. Bakıda keçirilən “Fusion Doll” biennalesi, sözün əsl mənasında, yaradıcılığın gözəl ifadəsidir. Burada müəlliflər öz daxili düşüncə və fantaziyalarını yaradıcılıq nümunələri ilə ifadə edərək bizlərə təqdim edirlər.

Bu il biennaledə 7 ölkənin təmsil olunduğunu deyən nazir bütün nümayəndələrə təşəkkürünü bildirdi: “İnanıram ki, müəlliflər tərəfindən təqdim edilən sənət nümunələri tamaşaçılar tərəfindən rəğbətlə qarşılanacaq və şəhərimizin qonaqlarında da maraq doğuracaq”.

2013-cü ildə Azərbaycanda ilk dəfə “Kukla” art qalereyasının fəaliyyətə başladığını diqqətə çatdıran nazir qeyd etdi ki, bundan sonra ölkəmizdə bu sənətə maraq daha da artıb. Bu gün biennalenin təşkilatçıları sırasında iştirak edən “Kukla” art qalereyasının təqdim etdiyi layihələr öz qeyri-adiliyi ilə seçilir, onların hər birində müəlliflərin düşüncə və fəlsəfi baxışlarının təcəssümü hiss olunur. Nazir biennalenin işinə və iştirakçılara uğurlar arzuladı.

Mərasimdə çıxış edən Ukraynanın “Modnaya kukla” beynəlxalq qalereyasının (Kiyev) direktoru Yuri Şumanski Bakıda keçirilən biennaledə iştirakından məmnunluğunu ifadə etdi. O, digər iştirakçı ölkələrin kukla ustalarına sərgidə uğurlar arzuladı. Mədəniyyət və Turizm Nazirliyinə belə bir tədbirin təşkilinə görə təşəkkürünü bildirən Y.Şumanski Kiyevdə təşkil ediləcək növbəti kukla sərgisində azərbaycanlı həmkarlarını da görmək istədiyini dedi.

Sonra biennalenin təşkilatçılarına və iştirakçılarına diplomlar təqdim edildi.

Qeyd edək ki, noyabrın 10-dək davam edəcək beynəlxalq sərgidə Azərbaycan, Belarus, Gürcüstan, Rusiya, Ukrayna, Estoniya və Yaponiyanın kukla ustaları iştirak edir. Ölkəmizi tanınmış sənətkarlar Pərviz Hüseynov, İrina Qundorina, Tamilla Qurbanova, eləcə də rəssamlar Anarə Salmanova, Zinaida Həsənova, Nübar Şahbazova, Alla Liçnorovskaya, Fərəh Əliyeva, Olqa Abbasova təmsil edirlər.

Son 25 il ərzində kukla sənəti dünya mədəniyyəti irsi olaraq təsviri incəsənət növləri arasında öz layiqli yerini tutmaqdadır. Bu gün məşhur kukla ustalarının işləri nəinki bir sıra ölkə rəhbərlərinin şəxsi kolleksiyalarında, həmçinin dünyanın ən məşhur muzey və qalereyalarında saxlanılır. Hazırda bədii kuklaların təxminən 20 istiqaməti mövcuddur və bunların arasında klassik, interyer, konseptual, kukla art-obyekt kimi, feşn-kukla, treş-kukla, qotik və s. qeyd etmək olar. Təkcə incəsənət aspektindən deyil, eləcə də texniki nöqteyi-nəzərdən müxtəlif təsnifatların siyahısı hər zaman artır.

Bakıda I və II kukla biennaleləri də payızda (noyabr) keçirilib. Bu zaman seçimi təsadüfi deyil. Payız təbiətin isti rənglərinə boyanmış yetkinliyin gözəlliyidir. Həmçinin isti günəşlə leysan yağışın bir-birini əvəzləməsi də qadın şıltaqlığına bənzəyir. Nəhayət, bu, tamaşaçıların kukla cildindəki əfsanəvi qəhrəmanları görə biləcəyi bir sirli bağçadır. Sərginin musiqi leytmotivi “Secret Garden” qrupunun və Norveç bəstəkarı Rolf Lövlandın romantik melodiyalarıdır. Sərginin ekspozisiyasının özü isə həm də fortepiano prinsipinə görə qurulub – vizual olaraq eksponatlar dəyişərək bəzən forte – yüksək və bəzən də piano – sakit səslənirlər.

Noyabrın 6-dan etibarən kütləvi ziyarətə açıq olan sərgidə paytaxtımızın sakinlərini və qonaqları maraqlı incəsənət bayramı – müəllif kuklaları sənəti ilə tanışlıq gözləyir.

Art Villa qalereyasında noyabrın 15-də rəssamların əl işlərindən ibarət sərgi keçiriləcək. Sərgini keçirtməkdə məqsəd daha az tanınmış rəssamlara dəstək olmaq, onların bacarıqlarını insanlara çatdırmaqdır.

Sərgidə 20-dən çox gənc rəssamın verilən mövzu üzrə, yağlı boya ilə çəkdikləri əsərlər nümayiş etdiriləcək. Sərginin mövzusu “Bir Günəş”dir.

Qeyd edək ki, sərgi “Dünya rəssamlığı” incəsənət klubunun təşkilatçılığı, Art Council və Gənclər Şəbəkəsinin dəstəyi ilə baş tutacaq.

“BakuBuild” Azərbaycan və Xəzər regionunun ən böyük inşaat sərgisi!

Xəzər regionunun ən böyük inşaat tədbiri olan “BakuBuild” sərgisi 20 ildir ki aparıcı inşaat forumu kimi öz mövqeyini qoruyub saxlayır. Bu sərgiyə olan marağın səbəbi isə onunla izah olunur ki, BakuBuild hər il bu tədbirdə iştirak edən 10.000-dən artıq mütəxəssislər ilə ünsiyyət üçün işgüzar mühit yaradır. “BakuBuild” sərgisi bazarın öyrənilməsi, biznesin inkişaf etdirilməsi, distribütorların müəyyənləşdirilməsi və regionda mövqelərin möhkəmləndirilməsi üçün ən yaxşı meydançadır.

 

Sərgi bölmələri

İNŞAAT

  • inşaat materialları və avadanlıq
  • inşaat materialların istehsalı üçün avadanlıq
  • dam örtükləri və texnologiyalar
  • alətlər, tespit
  • kotteclərin tikintisi
  • landşaft dizayn

İNTERYER

  • bəzək materialları
  • pəncərə bəzəyi
  • dekorativ tekstil
  • lak, boyalar və örtüklər
  • divar kağızları və divar panelləri
  • tavanlar və tavan sistemləri
  • yer örtükləri
  • elektrik və işıqlandırma
  • qapılar və arakəsmələr
  • qıfıllar və furnitura
  • daxili günəşdən qorunma sistemləri
  • pilləkanlar və alaqapı
  • interyer və dizayn
  • interyer əşyaları

PƏNCƏRƏ TEXNOLOGİYALARI VƏ QAPILAR

  • pəncərələr və profil texnoloqiyaları
  • fasad sistemləri
  • memarlıq şüşə
  • darvazalar və avtomatika
  • qapılar

KERAMİKA VƏ DAŞ

  • keramika
  • keramik sənayesi üçün avadanlıq və tenologiyalar
  • daş və daş emalı

LANDŞAFT VƏ YAŞILLAŞDIRMA

  • landşaft arxitekturası və dizayn
  • sahələrin yaşıllarşdırılması və abadlaşdırılması
  • əkin bitki materialları
  • qış bağları və istixanalar

İNŞAAT TEXNİKASI

  • buldozerlər, ekskavatorlar, yük maşınları, təknəli mal yükləyən, asfaltdüzücü maşınlar
  • kranlar, özüyeriyən kranlar, lift avadanlıqları, konveyer
  • asma avadanlıq
  • dirəkli işlər üçün avadanlıq
  • inşaat materialları istehsalı üçün avadanlıq
  • dəmir-beton emalı üçün texnika
  • sement, əhəng və gipsdən hazırlanan inşaat materialları hazırlaması üçün texnika
  • dağıtma və uçurma üçün avadanlıq

SANİTARİYA

  • vanna otaqları və mətbəxlər üçün divar örtükləri
  • sanitariya keramika və saxsı
  • vanna otaqları üçün mebel
  • duş və hidromassaj kabinələri
  • otaqları və duşlar üçün aksesuarlar

MEBEL

  • klassik üslublu mebel
  • müasir üslublu mebel
  • yumşaq mebel
  • masalar və stullar
  • yataq otağı üçün mebel
  • inteqrasiya edilmiş (divar içi) mebel
  • uşaq mebeli
  • hörmə mebel
  • mətbəx mebeli
  • ofis mebeli
  • arakəsmələr

 

AĞAC EMALI

  • ağac xammalının ilkin və ikinci dərəcəli mexaniki emalı və təkrar emalı üçün əsas və köməkçi texnoloji avadanlıqlar
  • səthlərin nəfis emalı üçün əsas və köməkçi texnoloji avadanlıqlar
  • xüsusi məhsul növlərinin (dülgər məhsulları, inşaat elementləri və ağacdan hazırlanan konstruksiyalar) istehsalı üçün dəzgahlar və qurğular
  • ağac və plastmas emalı üçün əl maşınları və mexaniki qurğular
  • ağac emalı üçün alətlər və alət ləvazimatları

 

“BakuBuild-2014” sərgisi üzrə faktları və rəqəmlər

Təsis edildiyi tarix: 1995-ci il

Dövrilik: İldə bir dəfə

Ümumi sahəsi: 15 925 kv.m.

İştirakçılarının sayı: 367

  • Yerli iştirakçılar
116
  • Xarici iştirakçılar
251

 

İştirakçı ölkələrin sayı: 26

ABŞ, Almaniya, Avstriya, Azərbaycan, BƏƏ, Belarus Respublikası, Bolqarıstan, Böyük Britaniya, Çex Respublikası, Çin, Fransa, Gürcüstan, Hollandiya, İsveç,  İsveçrə, İtaliya, İran, İspaniya, Macarıstan, Polşa, Portuqaliya, Rusiya, Slovakiya, Türkiyə, Ukrayna və Yunanıstan.

Almaniya, BƏƏ, İtaliya, İran, İspaniya, Macarıstan və Portuqaliya milli qrupları.

 

İştirakçı şirkətlərin 85%-i yeni işgüzar əlaqələr qurmağa müvəffəq olub.

İştirakçıların 17%-i “BakuBuild-2014” sərgisində yeni müqavilələr imzalayıb.

İştirakçıların 77%-i sərginin nəticələri əsasında müqavilələrin imzalanmasını gözləyir.

İştirakçıların 61%-i sərginin təşkilini yüksək qiymətləndirmiş və sərgidə ziyarətçilərin professional səviyyəsindən məmnun qalıb.

İştirakçıların 64%-i gələcəkdə belə bir tədbirlərdə iştirakını təsdiqləyib.

Sərginin iş saatları  ↑ 

 

21 Oktyabr 11:00 – 18:00
22 Oktyabr 10:00 – 18:00
23 Oktyabr 10:00 – 18:00
24 Oktyabr 10:00 – 16:00

Nəzərinizə çatdırmaq istərdik ki, ziyarətçilərin sərgiyə girişi sərginin iş vaxtının bitməsinə 30 dəqiqə qalmış dayandırılacaqdır.

Keçirildiyi yer  ↑ 


“Bakı Expo” Sərgi və Toplantı Mərkəzi
Ünvan: AZ1050, Azərbaycan, Bakı,
Suraxanı rayonu, Heydər Əliyev pr., 515

Giriş Sərbəstdir

Sərgiyə necə gəlmək olar:

“Bakı Expo” Sərgi və Toplantı Mərkəzi Heydər Əliyev adına Beynəlxalq Hava Limanından 3 dəqiqəlik məsafədə yerləşir.

Sərgi ziyarətçiləri şəhər nəqliyyatından faydalana bilərlər:

  • “28 Маy” metro stansiyasından – N 116
  • “Ulduz” metro stansiyasından – N 101, 150, 187
  • “Koroğlu” metro stansiyasından – N 101, 187, 150
  • “Q.Qarayev” metro stansiyasından – N 136, 160, 171
  • “Neftçilər” metro stansiyasından – N 141

Sərgi ziyarətçiləri üçün hər saatdan bir avtobuslar hərəkət edəcəklər:

  • “Koroğlu” metro stansiyası – Bakı Ekspo Mərkəzi (əks istiqamət daxil olmaqla)
21 oktyabr 22,23 oktyabr 24 oktyabr

Bakı Ekspo Mərkəzinə

10.00
11.00
12.00
13.00
14.00
15.00
16.00


Bakı Ekspo Mərkəzinə

10.00
11.00
12.00
13.00
14.00
15.00
16.00


Bakı Ekspo Mərkəzinə

10.00
11.00
12.00
13.00
14.00


Bakı Ekspo Mərkəzindən

12.00
13.00
14.00
15.00
16.00
17.00
18.00


Bakı Ekspo Mərkəzindən

11.00
12.00
13.00
14.00
15.00
16.00
17.00
18.00


Bakı Ekspo Mərkəzindən

11.00
12.00
13.00
14.00
15.00
16.00

 

build

Hörmətli yaradacı insanlar ,rəssamlar!
23-24 Oktyabrda Kapelhausda ” Mənim gözəl evim ” adlı IV Əl İşləri Festivalı keçiriləcək . İştirak etmək istəyənlər bizə müraciət edə bilərlər . Festivalımıza ilk dəfə qatılmaq istəyənlərə isə bildirmək istəyirik ki , işlərinizlə bizi tanış edin və sizi maraqlandıran bütün sualları bizə ünvanlayın . Hamiya uğurlar arzulayırıq və sizi festivalımızda gözləyirik . Hörmətlə : Тарана Джафарова Konul Allahverdiyeva ( təçkilatçılar)

Əlaqə nömrəsi:  070 303 20 40

12108222_1733483910213628_4013872709756855778_n (1)

YAY Qalereyası Azərbaycanın əməkdar rəssamı, Azərbaycan Rəssamlar İttifaqının üzvü Hüseyn Haqverdinin “Qırılma” adlı fərdi sərgisini təqdim edir.

Hüseyn Haqverdinin əsərləri zəncirvarı reaksiya kimi suallar doğurur. Həmin suallar alışdığımız “üslub” anlayışının tərk etdiyi bugünün postmodernist dövrünə həyəcan qatan düşüncələr oyadır. Rəssamın yaradıcılığına aid edildikdə isə, bunu dialoq sisteminin qurulması kimi müəyyən etmək olar.

Bu modeli sənətkar ilk dəfə “Daş” adlı layihəsində təklif etmişdi. Layihənin məğzini Abşeron daşından hazırlanmış heykəllər deyil, dialoq prinsipinin özü təşkil edirdi. Dialoq əsnasında burada bir-birini hissiyyat baxımından tamamlayan, bir-biri ilə söhbətləşən, qarşılıqlı cazibə qüvvəsinə malik olan daşlardan ibarət balaca qalaktika ab-havası yaradılmışdı.

Hüseyn Haqverdinin “Hüdudları aşaraq” adlı növbəti layihəsi Venesiya Biennalesində təqdim olunaraq, dialoq sistemini inkişaf etdirib yeni bir müstəviyə çıxarmışdı. Dialoq burada zaman körpüsü konseptini təşkil edərək, bizim dövrü 1960-cı illərin Azərbaycan rəssamlarının andeqraund cərəyanı ilə birləşdirdi. Rəssam qaraya boyadığı ağac instalyasiyalarından ibarət labirint ekspozisiyası yaratmışdı; qara xaos – atasının da məxsus olduğu bir nəslin keçdiyi yolu, yaşadığı həyatı ifadə edən metaforadır.

Növbəti pillə – “Qırılma” sərgisi – başqa bir palitra, başqa bir hekayə olsa da, əvvəlki kimi dialoq sistemidir, əvvəlki kimi fiziki gerçəklikdən kənara çıxan yaradıcılığın təzahürüdür. “Qırılma” layihəsini isə, bəlkə də, “rəngin təbiətini hədəfə alan tədqiqat” adlandırmaq olardı, ancaq Haqverdinin əsərlərinin xarakteri buna heç də tam əsas vermir. Sənətkar intuisiya ilə, kor-koranə hərəkət edir, materialın fakturası, görünüşü ilə dialoqa girir, cizgiləri və rəng laylarının uyuşmasını danışdırır, özünü rənglərin yeni “sədaları” dalğasına “kökləyir”.

Sərgidə sənətkarın yaradıcı dəsti-xəttinə xas olan işlər – qarışıq texnikada hazırlanmış qrafika, rəngkarlıq, daşdan və ağacdan hazırlanmış heykəltəraşlıq əsərləri təqdim olunur.
Hüseyn Haqverdi 2003-cü ildən etibarən Azərbaycan əməkdar rəssamı fəxri adını daşıyır, Əzim Əzimzadə adına Bakı Rəssamlıq Məktəbinin (1975) və V.İ. Muxina adına Leninqrad Ali Rəssamlıq-Sənaye Məktəbinin (1980) məzunudur. Rəssam müxtəlif vəsaitlərlə və müxtəlif janrlarda, o cümlədən heykəltəraşlıq, rəngkarlıq, şəkil, monumental incəsənət sahələrində işləyir; yaratdığı işlərdə əsasən irihəcmli formalara üstünlük verir. O, Bakı Kafedral Kilsəsində yerləşən Müqəddəs Məryəm heykəlinin, habelə Sənqəçal Terminalında epik məzmunlu mozaik pannonun, Bakıda rəssam Cavad Mircavadovun və Moskvada bəstəkar Qara Qarayevin xatirə lövhələrinin müəllifidir.

Açılış: 8 Oktyabr, 2015, saat 20:00.
Giriş sərbəstdir
Sərgi 10 Noyabr 2015-ci il tarixinədək davam edəcək
İş saatları: 12:00 > 20:00 (Bazar ertəsi istisna olmaqla)
Ünvan: Içəri Şəhər, Kiçik Qala küç. 5 (Ə.Vahid heykəli ilə üzbə – üz)
Telefon: 012 505 2323
E-mail: info@yaygallery.com

12087985_748693955276872_7007230613018116245_n

YARAT Müasir İncəsənət Mərkəzi “Ürək tənha ovçudur” (The Heart is a Lonely Hunter) adlı qrup sərgisini təqdim edir. Son dövrdə yaradılmış yeni əsərləri bir araya gətirən bu qrup sərgisində şəbəkə şəklində yerləşən vücud və rəmzi obrazların tamaşaçı “mənliyi”ni necə dəyişdiyinin yollarını araşdıran əsərlər nümayiş etdirilir.

Sərgiyə YARAT Müasir İncəsənət Mərkəzinin baş kuratoru Suad Qarayeva və Nyu-Yorkda yerləşən “New Museum”-un nəzdindəki “Rhizome” təşkilatının bədii rəhbəri Maykl Konnor birlikdə kuratorluq edirlər.

Müxtəlif sənət növlərində çalışan Neil Belufa (Neil Beloufa), Hanna Blək (Hannah Black), Kamil Enro (Camille Henrot), Parker İto (Parker Ito), Banni Rocers (Bunny Rogers), Casper Spisero (Jasper Spicero) və Lu Yan (Lu Yang) kimi dünya şöhrətli rəssamların əsərlərində sahiblik münasibətləri, vizual özəllik, cəmiyyətdəki qarşılıqlı əlaqələr və onların təsvirləri ilə bağlı mövzular təhlil olunur.

“Ürək tənha ovçudur”
Sərginin adı Karson MakKalersin ABŞ-ın cənub ştatı olan Corciyada yerləşən kiçik şəhərcikdəki həyat haqqında 1940-cı ildə yazdığı romanından götürülüb. Bu roman yaşadıqları mühitə fiziki və ya sosial baxımdan “uyğun gəlməyən” və özlərini son dərəcə təcrid olunmuş hiss edən, xiffət çəkən bir sıra personajların ətrafında cərəyan edir. Sərgi bu emosional qaydaları müasir internet kontekstində yenidən təsvir edir; sərgidə təmsil olunan rəssamlar standart həyat yollarını sual etməklə və bu standartlar çərçivəsindən kənara çıxmağın bir yolu kimi tamaşaçıları ekran simaları və personajları ilə eyniləşdirməyə dəvət edir.

Ətraflı məlumat veb səhifəmizdə yerləşdirilib http://goo.gl/jKUkEt

Vaxt: 24 sentyabr 11:00
Məkan: YARAT Müasir İncəsənət Mərkəzi, Bakı şəhəri, Səbail rayonu, AZ1000

Giriş sərbəstdir.

XƏBƏR LENTİ