Faiq Qarayev: “Vətənimizdə qızıl medal qazandığımız üçün çox xoşbəxtik”

Faiq Qarayev: “Vətənimizdə qızıl medal qazandığımız üçün çox xoşbəxtik”

“Belə möhtəşəm yarışda iştirak etmək arzumuz idi. Hər kəs bizdən qızıl medal gözləyirdi”. Bunu “Bakı-2017″ IV İslam Həmrəyliyi Oyunlarında qızıl medal qazanan qadın voleybolçulardan ibarət Azərbaycan milli komandasının baş məşqçisi Faiq Qarayev deyib.

Doğma azarkeşlər qarşısında qızıl medal qazanmalarından məmnunluğunu ifadə edən baş məşqçi finalda Türkiyə yığması ilə görüşün asan keçmədiyini vurğulayıb. “Ümumilikdə maraqlı oyun oldu. Bilirik ki, Türkiyə güclü rəqibdir. Lakin nəticədə biz qalib gəldik. Vətənimizdə qızıl medal qazandığımız üçün çox xoşbəxtik. Voleybolu Azərbaycanda sevirlər. Hətta Azərbaycana voleybol ölkəsi deyirlər. Çünki qadınlardan ibarət komandaların uğurları çoxdur. Komandamla fəxr edirəm”