Hərbçilər arasında dünya çempionatından daha iki medal

Moskvada keçirilən hərbçilər arasında güləş üzrə 33-cü dünya çempionatında Azərbaycanın Mərkəzi Ordu İdman Klubunun (MOİK) komandası daha iki medala sahib olub. Rusiya Federasiyası Mərkəzi Ordu İdman Klubunun idman zalında keçirilən çempionatın sərbəst güləş yarışında daha iki pəhləvanımız döşək üzərinə çıxıb.

Çempionatda 86 kiloqram çəki dərəcəsində ölkəmizi təmsil edən Kənan Əliyev ardıcıl olaraq parlaq qələbələr qazanaraq finala yüksəlib. Güləşçimiz son qarşılaşmada yalnız Rusiya təmsilçisinə 1 xal hesabı ilə uduzaraq gümüş medalla kifayətlənməli olub.

MOİK-in nümayəndəsi Roman Bəkirov (97) üçüncü yer uğrunda mübarizədə Kolumbiya idmançısı üzərində təmiz qələbə qazanaraq bürünc medala layiq görülüb.

Beləliklə, hərbçilər arasında güləş üzrə 33-cü dünya çempionatında komandamız 1-i qızıl, 1-i gümüş və 4-ü bürünc olmaqla ümumilikdə 6 medal qazanıb.

Mayın 14-dən start götürən çempionat mayın 20-dək davam edəcək.

SİA

LEAVE A REPLY

Please enter your comment!
Please enter your name here