İnam Kərimov: “Bu il 450-500 ton yaş barama istehsalı nəzərdə tutulub”

Kənd təsərrüfatı naziri İnam Kərimov Qax rayonunda kümçülərə ipəkqurdunun paylanması prosesində iştirak edib. Nazir jurnalistlərə bildirib ki, Prezident İlham Əliyevin 2017-ci il noyabrın 27-də imzaladığı sərəncamla “Azərbaycan Respublikasında baramaçılığın və ipəkçiliyin inkişafına dair 2018-2025-ci illər üçün Dövlət Proqramı” təsdiq edilib.

İ.Kərimov qeyd edib ki, proqramın həyata keçirilməsi nəticəsində 2025-ci ilə qədər barama istehsalının 6 000 tona çatdırlması nəzərdə tutulub: “Dövlət başçısının tapşırıqlarının icrası ilə əlaqədar Nazirlik tərəfindən həyata keçirilən tədbirlər nəticəsində 2017-ci ildə ölkədə 245 ton yaş barama istehsal olunub. Baramaçılığın yem bazasının formalaşdırılması məqsədilə 2,5 milyon tut tingi tədarük edilərək baramaçılıq rayonlarında Çin texnologiyası əsasında intensiv bağlar salınıb. Cari ildə Çindən müqavilə əsasında 13 000 qutu yüksək keyfiyyətli ipəkqurdu toxumları alınıb, respublikamızın iqlim şəraiti nəzərə alınaraq iki mərhələdə ölkəmizə gətirilib”.  Nazir deyiv ki, bu il aprelin 17-də ilkin mərhələdə 7 000 qutu yüksək keyfiyyətli hibrit ipəkqurdunun toxumları Nazirliyin Qax Damazlıq İpəkçilik Stansiyasında inkubasiyaya qoyulub və 99-100% yüksıək keyfiyyətli baramaqurdu əldə edilərək bölgü əsasında Azərbaycanın 22 rayonunun kümçülərinə əvəzsiz olaraq paylanılıb: “Bu gün ikinci mərhələdə inkubasiyadan çıxan 6 000 qutu ipəkqurdunun dağlıq və dağətəyi zonada yerləşən 17 rayonun kümçülərinə paylanması həyata keçirilir. Bu il respublikada 450-500 ton yaş barama istehsalı nəzərdə tutulub, bu da ötən illə müqayisədə 2 dəfə çoxdur”.

“Report”

LEAVE A REPLY

Please enter your comment!
Please enter your name here