“Keçmişə səyahət” kitabının təqdimatı olub

AMEA Milli Azərbaycan Tarixi Muzeyinin nəzdində fəaliyyət göstərən “Hacı Zeynalabdin Tağıyev Klubu”nun növbəti tədbiri keçirilib.

Tədbirdə geologiya-mineralogiya üzrə fəlsəfə doktoru Səidə Mirizadənin “Keçmişə səyahət” (rus dilində) kitabının təqdimatı olub.

Muzeyin direktoru, akademik Nailə Vəlixanlı çıxış edərək “Keçmişə səyahət” kitabının əhəmiyyətini diqqətə çatdırıb, nəşrin tariximiz üçün dəyərli mənbə olduğunu vurğulayıb.

Məlumat verilib ki, böyük xeyriyyəçi Hacı Zeynalabdin Tağıyevin kiçik qızı Sürəyya Abdullayevanın ömür yoluna həsr olunmuş kitabda nadir sənədlər, fotoşəkillər və xatirələr toplanıb.

Muzeyin elmi katibi, tarix üzrə fəlsəfə doktoru, dosent Fərhad Cabbarov məşhur xeyriyyəçi Hacı Zeynalabdin Tağıyevin həyat və fəaliyyətindən bəhs edib.

Kitabın müəllifi Səidə Mirizadə nəşr haqqında ətraflı məlumat verib. O, görkəmli xeyriyyəçinin ailəsi, nəslinin davamçıları haqqında danışıb. Jurnalist Nadejda İsmayılova və digər çıxış edənlər təqdim edilən kitabla bağlı fikirlərini bölüşüblər.

Böyük xeyriyyəçi Hacı Zeynalabdin Tağıyevin nəticəsi Nazim Abdullayev tədbirin təşkilatçılarına və iştirakçılarına təşəkkürünü bildirib.

Sonda müəllifin imzası ilə “Keçmişə səyahət” kitabı iştirakçılara hədiyyə olunub.

LEAVE A REPLY

Please enter your comment!
Please enter your name here