Nərimanov və Nizami rayonları üzrə müəllim və valideynlərin müraciətləri dinləniləcək

Nərimanov və Nizami rayonları üzrə müəllim və valideynlərin müraciətləri dinləniləcək

Yanvarın 13-də paytaxtın Nərimanov və Nizami rayonları üzrə müəllim və valideynlərin səyyar qəbulu keçiriləcək.

Bakı Şəhəri üzrə Təhsil İdarəsindən (BŞTİ) bildiriblər ki, 229 nömrəli tam orta məktəbdə təşkil olunan səyyar qəbul saat 10.00-da başlanacaq.

Səyyar qəbulda müəllim və valideynlərin müraciətləri BŞTİ-nin rəhbərliyi və struktur bölmə əməkdaşları tərəfindən dinləniləcək, problemli məsələlər araşdırılacaq, müvafiq təşkilati və maarifləndirmə tədbirləri görüləcək.

Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparılması məqsədlərinə xidmət edir.

AZƏRTAC