Prezident İlham Əliyev IV İslam Həmrəyliyi Oyunlarında qalib gələn güləşçilərə medalları təqdim edib

Bakı-2017 IV İslam Həmrəyliyi Oyunlarında yunan-Roma güləşçilərinin yarışında qaliblərin mükafatlandırılması mərasimi keçirilib.

66 kq çəki dərəcəsində qalib gələn güləşçilərə medalları Azərbaycan Prezidenti İlham Əliyev təqdim edib.

Bu çəki dərəcəsində idmançımız Kamran Məmmədov birinci olub.

Mükafatlandırmadan sonra Azərbaycanın Dövlət Himni səsləndirilib.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

Trend