Şahin Diniyev: Birinci qol komandanı “sındırdı”

Bu gün Gəncədə futbol üçün ideal şərait var idi. Hər iki komanda 3 xal üçün oynayırdı. Gərgin oyun oldu belə “Qarabağ” kiçik səhvlərimizdən istifadə etdi. Tez bir zamanda qollar buraxdıq. Məncə, birinci qol komandanı “sındırdı”. Oyundan sonra futbolularla danışdıq və “Qarabağ”ın çətin komanda olduğunu bildirdik. İlk qolu vursaydıq, oyun tamam başqa cür olacaqdı”.

Bunu “Kəpəz”in baş məşqçisi Şahin Diniyev Topaz Premyer Liqasının XI turunda evdə “Qarabağ”a 0:2 hesabı ilə ududuqları oyundan sonra mətbuat konfransında deyib. 51 yaşlı mütəxəssis jurnalistlərin suallarını da cavablandırıb…

– Baş hakim əvvəlcə lehinizə penalti təyin etsə də, az sonra qərarını dəyişdi. Bununla bağlı nə deyə bilərsiniz?

– Viktor Oseqeylə penalti epizoduna görə təşəkkür edirəm. Onun kimi futbolçu ilə işlədiyimə görə sevinirəm.

– Penalti epizodunda Oseqeyl qapıya zərbə vurmalı olsa da, qapıçını keçməyə cəhd etdi. Sizcə, o, özünü bilərəkdən yerə atdı?

– Bu, sualın ikinci hissəsidir. Viktorun şansları oldu və istifadə edə bilmədi. Həmin epziodda qapıçını keçməməli, qapıya zərbə vurmalı idi. Lakin ustalıq səviyyəsi çatmadığına görə şansını boşa verdi.

– İlk qol epizodunda Ceyhun Cavadov ən zəif bənd idi. Bu fikirlə razısınız?

– Futbolçular həftə ərzində komanda ilə birgə məşq edirlər. Gec əvəzləməyim ona inanmağımla bağlı idi. Ümidləri doğrultmadığını deməzdim. Amma onu dəyişəcək futbolçum yoxdur. Mansur Nəhavəndi hazırda fiziki cəhətdən yaxşı vəziyyətdə deyil. Fikrinizlə tamamilə razıyam.

LEAVE A REPLY

Please enter your comment!
Please enter your name here