RESPONSIVE LEADERBOARD AD AREA
ƏSAS SƏHİFƏ

“Son gecə” televiziya filmi Nəsimiyə həsr olunacaq

13

“Azərbaycantelefilm” Yaradıcılıq Birliyi böyük Azərbaycan şairi Nəsimi və görkəmli ədib Cəlil Məmmədquluzadəyə həsr olunmuş sənədli filmlər çəkəcək.

AzTV-nin mətbuat xidmətindən AZƏRTAC-a bildirilib ki, may ayından etibarən Nəsimidən bəhs edəcək “Son gecə” televiziya filminin çəkilişlərinə start veriləcək. Filmin mövzusu Xalq şairi Rəsul Rzanın Nəsimiyə həsr olunmuş poemasının motivlərindən götürülüb.

Bundan başqa, “Mirzə Cəlil” filmi Cəlil Məmmədquluzadəyə həsr olunacaq. “Azərbaycantelefilm” görkəmli Azərbaycan şairi Məhəmməd Füzulini də yaddan çıxarmayıb. Belə ki, “Füzuli” filmi də bu münasibətlə ekranlaşdırılacaq.

Eyni zamanda, bu ildən AzTV-də “Fatehlərin divanı” bədii filminin davamının çəkilməsi də nəzərdə tutulur. Bu əsər Cultan Səlim Yavuz, Şah İsmayıl, Sara xatun, Uzun Həsən və başqa tarixi şəxsiyyətlərdən bəhs edir.

Şərhlər

Çox oxunanlar (günlük)

Çox oxunanlar (həftəlik)

RESPONSIVE LEADERBOARD AD AREA
Yuxarı