TDƏŞ-in sammiti payızda Azərbaycanda keçiriləcək

Bu ilin payızında Azərbaycanda keçiriləcək Türkdilli Dövlətlərin Əməkdaşlıq Şurasının (TDƏŞ) VII sammiti üçün hazırlıq işləri aparılır. SİA-nın Qazaxıstan Xarici İşlər Nazirliyinin mətbuat xidmətinə istinadən məlumatına görə, bu məsələ Qazaxıstan xarici işlər naziri Beybut Atamkulovla TDƏŞ-in Baş katibi Bağdad Amreyev arasında keçirilən görüşdə müzakirə olunub.

TDƏŞ nümayəndə heyəti Əməkldaşlıq Şurasına üzv dövlətlərin gömrük xidmətləri rəhbərlərinin görüşündə iştirak etmək üçün Qazaxıstanda işgüzar səfərdədir.

Qeyd edək ki, TDƏŞ müasir türk dövlətlərini birləşdirən beynəlxalq təşkilatdır, onun əsas məqsədi üzv dövlətlər arasında hərtərəfli əməkdaşlığın inkişafıdır.

LEAVE A REPLY

Please enter your comment!
Please enter your name here