Zəhra Bədəlbəyli ikinci kitabını nəşr etməyə hazırlaşır

Azərbaycan Yazıçılar Birliyinin üzvü olan gənc şairə Zəhra Bədəlbəyli şeirlər toplusundan ibarət ikinci kitabını nəşr etməyə hazırlaşır. “В твоих руках” (“Sənin əllərində”) adlanan şeirlər kitabı sosial mövzuları, sevgi və həyat barədə fəlsəfi düşüncələri əks etdirir. Kitabdakı rəsmlərin müəllifi Ləman Yusiflidir.

Avropa Azərbaycan Cəmiyyətindən bildiriblər ki, kitab “TEAS Press” Nəşriyyat Evi tərəfindən nəşr olunacaq.

O deyib: ““TEAS Press” Nəşriyyat Evinin yerli yazıçılara və şairlərə yaratdığı imkan məni yaxşı mənada təəccübləndirdi. Bu məni yeni şeirlər yazıb-yaratmağa daha da həvəsləndirir. Kitabın ad seçimi də təsadüfi deyil, çünki hesab edirəm ki, həyatda çox şey bizim əlimizdədir və bunu heç vaxt unutmaq olmaz”.

Zəhra Bədəlbəyli 10 yaşından yazmağa başlayıb. Onun ilk kitabı 2011-ci ildə çıxan “За бесконечностью явлений” adlanan şeirlər toplusudur. İlk kitabı gənc şairəyə böyük uğur gətirib.

AZƏRTAC

LEAVE A REPLY

Please enter your comment!
Please enter your name here