MƏDƏNİYYƏT 2020.10.15 21:45

“Ali Baş Komandanımızla fəxr edirəm” – Rəsulzadənin nəvəsi

98

“İşğaldan azad olunmuş torpaqlarımıza Azərbaycan bayrağı sancıldıqca babamın ruhu şad olur”. Bunu Azvision.az -a açıqlamasında Azərbaycan Xalq Cümhuriyyətinin banilərindən olan Məmməd Əmin Rəsulzadənin nəvəsi, Əməkdar rəssam Rəis Rəsulzadə deyib. O, bildirib ki, müzəffər ordumuzun qələbələri Azərbaycan xalqına yeni ruh verir.

“Cəbhə xəbərlərini izləyirik, gecələr yatmırıq. Ən xırda məlumatı da nəzərdən buraxmırıq. Azərbaycan Ordusu və Ali Baş Komandanımızla fəxr edirəm. Əsgərlərimiz misilsiz qəhrəmanlıq göstərir. Ordumuzun alnına qələbə yazılıb. Öz mənfur xislətindən əl çəkməyən ermənilər isə qeyri-insani metodlarla əhalini bombalayır. Hərbi zonada yerləşməyən Gəncədə neçə uşağı yetim qoydular. Cavan olsaydım, hətta mən özüm də döyüşə gedərdim. Əsgərlərimizlə görüşərdim, onları daha da ruhlandırardım. Bütün şəhidlərin valideynlərinə başsağlığı verirəm, ruhları şad olsun. Amma gec-tez biz bu işi görməliydik. Xristian dünyasının əksəriyyəti üstü örtülü də olsa erməniləri dəstəkləyir. Riyakarlıqlar edirlər. Buna baxmayaraq, uğurla döyüşürük. Türkiyə dövlətinə və rəhbəri Ərdoğana mənəvi dəstəyinə görə təşəkkür edirəm.

Prezident İlham Əliyevin müsahibələrinə baxıram. Ölkə başçısı çox ciddi və hərtərəfli detalları açıqlayır. Onunla qürur duyuruq”.

R.Rəsulzadə Şuşaya getmək, oranın yeni mənzərəsini yaratmaq istədiyini dilə gətirib: “Ermənilər savaş qaydalarına fikir vermədən, qanunu, ədaləti tapdalayaraq işğalçılıqla məşğul olurlar. Biz isə türk xalqına məxsus yüksək səviyyədə döyüşlər aparırıq. Erməni qadınları, uşağları ilə işimiz yoxdur. Bu, bizim dinimizə, əxlqımıza, mədəniyyətimizə xasdır. Prezident müsahibəsində dedi ki, müharibədən sonra yeni düzən yaranacaq. Azərbaycan vətəndaşı olan xalqlar yanaşı yaşayacaqlar, bir-birinə hörmət edəcəklər. Şuşamızda, Qarabağımızda bərpa işləri aparacağıq, necə yaşamıqsa, elə də olacaq. Şuşaya getmək, oranın yeni mənzərələrini çəkmək istəyərdim. Arzum odur ki, az itkilərlə böyük qələbə əldə edək, Azərbaycanın imici dünyada yüksəlsin”.

Şərhlər

Çox oxunanlar (günlük)

Çox oxunanlar (həftəlik)

Yuxarı