İQTİSADİYYAT 2020.10.13 16:17

Cənub Qaz Dəhlizinin sonuncu seqmenti olan TAP tamamlandı

52

Cənub Qaz Dəhlizinin sonuncu seqmenti olan TAP da tamamlandı. Trend-in məlumatına görə, bunu TAP konsorsiumu elan edib. Bildirilib ki, dünyanın bəlkə də ən böyük sənaye layihəsi olan Cənub Qaz Dəhlizi bütün maneələri dəf etdi və nəhayət reallaşdı:

“Cənub Qaz Dəhlizi 3500 km uzunluğunda bir-biri ilə bağlı olan 3 boru kəmərinin inşa olunması, 40 milyard dollar sərmayə qoyuluşu, dünyanın ən böyük qaz-kondensat yataqlarından biri olan Şahdəniz yatağının işlənməsi deməkdir. SOCAR da bu nəhəng layihənin bütün seqmentlərində – Şahdəniz, Cənubi Qafqaz Boru Kəməri (SCP), TANAP və TAP boru kəmərlərində iştirak edir.

Hazırda TAP boru kəmərinin İtaliyanın qaz şəbəkəsinə qoşulması ilə bağlı işlər hələ davam edir və gələn ay başa çatacaq. İlin sonunadək Azərbaycanın təbii qazı, tarixdə ilk dəfə olaraq, birbaşa xətt üzrə Avropaya çatdırılacaq. Bununla da Azərbaycan Avropanın enerji təhlükəsizliyində öz rolunu daha da artıracaqdır. Azərbaycanın təhlükəsizliyi – Avropanın təhlükəsizliyi deməkdir.

Cənub Qaz Dəhlizi Azərbaycanın müstəqilliyini möhkəmləndirir, çünki biz öz enerji resurslarımızı özümüzə aid olan boru kəmərləri vasitəsi ilə dünya bazarlarına çıxarmağa nail olduq. Bununla Azərbaycan həm də gələcəkdə Avropa və Asiya arasında enerji daşınmalarının habına – mərkəzinə çevrilmək imkanını əldə edib”.

 

Şərhlər

Çox oxunanlar (günlük)

Çox oxunanlar (həftəlik)

Yuxarı