DÜNYA 2020.11.21 08:00

Donald Trampın oğlu da koronavirusa yoluxdu

27

ABŞ prezidenti Donald Trampın oğlu kiçik Donald Trampda COVID-19 aşkarlanıb. “Report” xəbər verir ki, bu barədə “Bloomberg” agentliyi məlumat yayıb. Qeyd edilir ki, o özünü təcrid edib.

Mənbənin məlumatına görə, bu ötən həftə baş verib. Kiçik Trampın təmsilçiləri bildirib ki, onda koronavirusun əlamətləri müşahidə edilmir.

“Həftənin əvvəlində Donun testi müsbət nəticə verdi. O, bundan sonra kottejində özünü təcrid etdi. Onda qətiyyən simptomlar yoxdur, COVID-19 üzrə tibb müəssisəsinin tövsiyələrinə əməl edir”, – deyə təmsilçisi bildirib.

Kiçik Tramp atasının “Trump Organization” şirkətinin vitse-prezidentlərindən biridir.

Xatırladaq ki, okyabrın 2-də ABŞ Prezidenti Donald Tramp və birinci xanım Melanya Trampda da COVID-19 aşkarlanıb. “Çox, hətta kiçik fasilələrsiz işləyən Xoup Xiks yenicə COVID-19 üçün müsbət test verdi. Dəhşət! Biz birinci xanımla öz testlərimizin nəticələrini gözləyirik. Beləliklə, biz karantin prosesinə başlayacağıq!” – deyə Tramp həmin vaxt bildirib.

Şərhlər

Çox oxunanlar (günlük)

Çox oxunanlar (həftəlik)

Yuxarı