“Real Madrid” “El klassiko”da qələbə qazanıb

Avqustun 13-də “Kamp Nou” stadionunda keçirilən “El Klassiko”da “Real Madrid” komandası “Barselona”nı 3:1 hesabı ilə məğlub edib.

Oyunun ilk yarısında hesab açılmayıb.

Matçın 50-ci dəqiqəsində madridlilər hesabda irəli çıxıblar. J.Pike avtoqola imza atıb. Hücumlarının sayını artıran “Barselona” görüşün 77-ci dəqiqəsində istəyinə nail olub. Lionel Messi 11 metrlik cərimə zərbəsi ilə tarazlığı bərpa edib – 1:1. Bu qoldan üç dəqiqə sonra Kristiano Ronaldo komandasını hesabda irəli çıxardıb – 1:2.

Görüşün 82-ci dəqiqəsində Ronaldo qırmızı vərəqə ilə cəzalandırılaraq oyundan kənarlaşdırılıb.

Oyunda son nöqtəni isə 90 dəqiqədə Asensio qoyub. O, vurduğu qolla “Real Madrid”ə 3:1 hesablı qələbə qazandırıb.

AZƏRTAC

LEAVE A REPLY

Please enter your comment!
Please enter your name here