30 yanvar 2016-cı il tarixdə Binəqədi rayon Gənclər və İdman İdarəsi və Yeni Azərbaycan Partiyası Binəqədi Rayon Təşkilatının birgə təşkilatçılığı ilə Azərbaycan Əmək və Sosial Münasibətlər Akademiyasında Azərbaycan Respublikasının Prezidenti yanında Gənclər Fondunun VII qrant müsabiqəsinin qalibi, Azərbaycan Əmək və Sosial Münasibətlər Akademiyasının İqtisadiyyat fakültəsinin 4-cü kurs tələbəsi Radim Hüseynlinin “Yeni kəşf olunmuş oyunlar – Yaradıcılıq müsabiqəsi” adlı fərdi layihəsinin bağlanış mərasimi keçirildi. Tədbirdə Akademiyanın YAP Gənclər Birliyinin sədri Telman İmanov, Akademiyanın Tələbə Gənclər Təşkilatının sədri Anar Əliyev, Akademiyanın Tələbə Həmkarlar İttifaqının sədri Mahmud Mahmudov, gənclər iştirak etmişlər. Layihənin rəhbəri Radim Hüseynli tədbirdə çıxış edərək iştirakçılara təşəkkürünü bildirdi. Tədbirdə 20 nəfər layihə iştirakçısına sertifikat, I, II, III yeri tutan gənclərə isə diplomlar təqdim olundu.
